Xefe Estadu Maior Jenerál F-FDTL Vijita Bá Kuartel Jenerál RBAF Brunei Darussalam

Brunei Darussalam, 13 Maiu 2025

Xefe Estadu Maiór Jenerál FALINTIL - Forsa Defeza Timor Leste (F-FDTL), Tenente Jenerál Domingos Raúl "Falur Rate Laek" halo Vijita bá Kuartel Jenerál Brunei Darussalam nian, hodi hasoru malu ho Commander of the Royal Brunei Armed Forces (RBAF) Major Jenerál Dato Paduka Seri Haji Muhammad Haszaimi Bin Bol Hassan, hodi koalia kona-bá esperiénsia formasaun edukasaun sidadania nomós Kooperasaun Teknika Militár nian.

Iha intervista Xefe Estadu Maior Jenerál F-FDTL Tenente Jenerál Falur Rate Laek hateten, objetivu husi enkontru ho Major Jenerál Dato Paduka Seri Haji Muhammad Haszaimi Bin Bol Hassan, rona esperiénsia kona-bá sira nia formasaun edukasaun sidadania ne'e nomós diskuti mós kona-bá Kooperasaun Teknika Militár ne'ebé sira fó bá ita.

"Ohin enkontru ho Major Jenerál Dato Paduka Seri Haji Muhammad Haszaimi bin Bol Hassan, hau rona ninia esperiénsia kona-bá sira nia formasaun edukasaun sidadania nian ne'e, ida mak importante bá hau, ami diskuti mós hare kona-bá Kooperasaun Teknika Militár nian no ita bele hola parte iha vagas ne'ebé maka sira bele fó bá Itá nia F-FDTL ," hatete Xefe Estadu Maiór Jenerál FALINTIL - Forsa Defeza Timor Leste (F-FDTL), Tenente Jenerál Domingos Raúl "Falur Rate Laek", iha Hotel Empire Brunei Darussalam.

Xefe Estadu Maiór Jeneral FALINTIL-Forsa Defeza Timor-Leste (F-FDTL) hato'o nia konesimentu bá Ministériu Defeza (MD) atu nune'e iha futuru F-FDTL bele partisipa iha ezersísiu Konjuntu, nomós bele halo estudu iha Akadémia Militár, Saúde Militár ho Komponente Navál nomós Autoridade Martima Nasionál iha Nasaun Brunei Darussalam.Tanba ida ne'e nivel as ona.

"Depois Major Jenerál Dato Paduka Seri Haji Muhammad Haszaimi bin Bol Hassan nia pronto atu Apoiu Instituisaun FALINTIL-FDTL porque ne'e konkordansia entre nivel as ona, tuir Brifin Embaixadór Brunei nian iha ne'eba fó brifing mai hau, iha asuntu balun ne'ebé iha nivel as ne'eba ami bele kontinua ida nee,"

Alende ne'e ohin hau nós konvida ona Xefe Estadu Maior Jenerál Major Jenerál Royal Brunei Armed Forces (RBAF) Dato Paduka Seri Haji Muhammad Haszaimi bin Bol Hassan atu bele partisipa iha loron 50 Anos kriasaun FALINTIL nian no nia mós hatan ona sei partisipa iha serimónia loron FALINTIL nian iha Timor-Leste.

Delegasaun ne'ebé mak akompanha Xefe Estadu Maior Jenerál F-FDTL Tenente Jenerál Falur Rate Laek mak hanesan, Embaixadór Timor-Leste bá Brunei Darussalam Sr. Abel Guterres, Ajudante Kampo CEMGFA Kapitaun Egy, no Enfermeiro do CEMGFA Alferes Celestino Amaral.

Media F-FDTL 

Sarg.Carceres