Xefe Estadu Maior Jenerál F-FDTL Vijita Komponente Naval Diraja Brunei Darussalam

Brunei Darussalam, 14 Maiu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Falur Rate Laek ho delegasaun halo vijita bá Komponente Naval Royal Brunei Armed Forces (RBAF).

Iha Vijita Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ne'e simu direta husi Komandante Tentera Laut Diraja Brunei Darussalam Kapitaun Marr e Guerra Bahari bin Haji Zainal Abidin, TLDB, iha Baze Komponente Naval, Brunei Darussalam.

Objetivu husi Vijita ne'e oinsá iha futuru atu hametin diak liutan relasaun amizade entre FALINTIL-Forsa Defeza Timor-Leste (F-FDTL) ho Angkatan Bersenjata Diraja Brunei Darussalam (ABDB), liliu iha Komponente Naval ninian hodi hare Liu bá Tasi.

Komandu FALINTIL-FDTL mós iha ona planu futuru sei haruka Membru sira husi Komponente Naval F-FDTL atu mai halo estudu no treinamentu iha Komponente Naval Diraja Brunei Darussalam.

Iha Vijita ne'e Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Ajudante Kampo CEMGFA Kapitaun Egy no Enfermeiro do CEMGFA Alferes Celestino Amaral.

Média F-FDTL