Adidu Defesa Timor-Leste Bá Indonésia Halo Vizita Kortezia Bá Akademia Militár Angkatan Udara (AAU) Nomós Akademia Militár Angkatan Darat (AAD)

Indonésia, 05 Maiu 2026

Adido Defeza Timor-Leste bá Indonésia, Koronel Renilde Guterres Corte Real e Silva, akompaña husi Adjunto Adido Defesa 2Ten.Fuzileiro João da Silva Soares, hala’o vizita kortezia bá instituisaun edukasaun Militár estratejiku iha Indonésia, Akademia Militár Angkatan Udara (AAU) iha Yogyakarta no Akademia Militár Angkatan Darat (AAD)iha Magelang, Indonésia.

Iha AAU, delegasaun simu husi Marsekal Muda TNI (Marsda TNI) Donald Kasenda, Gubernur AAU ho estrutura ofisial tomak, no iha AAD simu husi Brigadeiro Jenerál TNI Pramungkas Agus, wakil Gubernur AAD ho estrutura ofisial tomak.

Vizita ne’e hala’o iha ambiente formal no amigável, hanesan parte husi esforsu hodi reforça relasaun bilateral iha área defeza no Militár.

Objetivu husi vizita ne’e mak atu halo introdusaun ofisiál no Hametin relasaun amizade no konfiansá mutua entre F-FDTL ho TNI, liu-liu Akademia Forsa Aéro no Forsa Terrestre no habelar komunikasaun institusional, no Harii komunikasaun di’ak no forte entre lideransa instituisaun defeza rua.

Iha vizita ne’e Governador AAU hato’o nia apresiasaun ba vizita ne’e no afirma AAU nia kompromisu no komitmentu hodi apoia kooperasaun entre nasaun rua ne’e, partikularmente iha área edukasaun no dezenvolvimentu kadete. Nia espera vizita ida ne’e bele hametin liu tan relasaun diak no besik entre Timor Leste ho Indonésia, partikularmente iha ámbitu Forsa Aérea.

Nune’e mós iha AAD, Vise Governador AAD, mós hato’o ninia aprsesiasaun no Kontente tebes ho vizita ne’e no Afirma AAD nia kompromisu no komitmento hodi apoiu Kooperasaun entre Nasaun rua, partikulamente iha area Edukasaun Militár Terrestre nian.

Iha Pontos Importante ne’ebé Hato’o husi Adidu Defesa Durante vizita ne’e mak;

1. Hato’o profunda apresiasaun no agradese husi Ministro Defesa Timor Leste no Xefe Estadu Maior Jenerál F-FDTL.

2. Importánsia kooperasaun edukasaun Militár hodi dezenvolve rekursu umanu Militár,

3. Presiza kontinua programa formasaun no treinamentu entre instituisaun rua (F-FDTL ho TNI),

4. mantein no Hasa’e partisipasaun kadete Timor-Leste iha instituisaun militar Indonézia.

Iha oportunidade hanesan, Adidu Defesa ho Adjunto mós hala’o enkontru ho kadete Timor oan iha AAU ho naran Expery Jezinho Gomes Raul, ne’ebé halao hela nia estudu iha akademia refere, hanesan mós iha AAD ho kadete Timor Oan nain rua, ho naran Keyduli R.G.J. Carvalho no Giovanino F. D. S. Alves iha akademia Refere. Enkontru ne’e permite atu hatene diretamente progresu no desafiu sira ne’ebé kadete sira ne’e enfrenta, no hato’o mensajen apoiu, orientasaun no motivasaun husi parte F-FDTL no Ministério Defesa Timor-Leste nian.

Iha vizita ida ne’e, Adidu defesa ho Adjunto hetan oportunidade hodi hare video perfil AAU nian no simu aprezentasaun husi diretor edukasaun AAU nian Koronel Irawan, kona-bá vizaun jeral Akademia Forsa Aérea no relatoriu edukasaun(Akademiku) kadete Timor oan nian iha Akademia Forsa Aérea.

Nune’e mós iha AAD Delegasaun mós hala’o vizita bá fasilidade edukasaun no treinamentu, inklui sala aula, laboratóriu, Museu AAD, cazerna no área formasaun fisika.

Kadete Timor Oan hirak ne’e sei gradua Hamutuk ho sira nian Maluk kadete sira seluk (Indonésia Oan) iha Loron 21 Julu iha Istana Negara Repúblika Indonésia, iha Jakarta Pusat.

Atividade vizita no enkontru ida ne'e remata ho troka lembransa nu'udar símbolu amizade no kooperasaun ne’ebe forte entre instituisaun rua husi nasaun rua ne'e.

Vizita kortezia ne’e realiza ho susesu no atinji objetivu ne’ebé determina, Nakonu ho amizade, sentimentu emosional no kontribui signifikativamente ba reforsu relasaun bilateral no dezenvolvimentu kapasidade rekursu umanu militar Timor-Leste, no mos reforsa konfiansa mutua no koperasaun entre instituisaun F-FDTL ho TNI Hodi promove Paz, estabilidade no seguransa iha rejiaun.

Media F-FDTL

Adjunto Adido Defesa Timor-Leste bá Indonésia