Adidu Defeza TL no Embaixador TL iha Moçambique Selebra Loron Restaurasaun Independência Timor Leste ba dala-24 iha Mauputo
Adidu Defeza Timor-Leste iha Moçambique Koronel João da Costa Esteves hamutuk ho Embaixador Timor-Leste iha Moçambique Luis Miguel Lopes de Sousa Sequeira inklui mòs Komunidades Timor Oan iha Moçambique -Maputo komememora loron Restaurasaun Independência Timor-Leste 20 Maiu ba dala-24 iha hotel Polana Serena - Maputo.
Iha Eventu ne’e hetan partisipasaun husi Sua Exelénsia Salimo Ismail Valá, Ministru Planeamentu no Dezenvolvimentu Repúblika Mosambike, nu’udar Konvidadu Honra, reprezenta Governu Mosambike; Honorável Prezidente Konsellu Konstitusionál, Dra. Lúcia da Luz Ribeiro; Sua Exelénsia Adriano Afonso Maleiane, eis Primeiru-Ministru no mós Embaixadór sira ne'ebé akreditadu iha Mosambike, membru sira hosi Korpu Diplomátiku, no bainaka distintu sira.
No Entantu, Governu Repúblika Mosambike, liu husi ninia reprezentante, hato'o parabéns ba povu doben Timor-Leste no Governu Repúblika Demokrátika Timor-Leste ne'ebé selebra ona aniversáriu Restaurasaun Independénsia ba dala 24, hodi kontinua hametin lasu istóriku amizade, solidariedade, no kooperasaun entre nasaun rua hametin lasu fraternu sira no kompromisu fahe ba dame, autodeterminasaun no dezenvolvimentu.
Média F-FDTL
