NOTISIA

Adjuntu CEM Simu Ekipa Avaliasaun Asean Bá Resposta Emerjénsia No Dezastre Naturais

Media F-FDTL QG Notisia 21 de julho de 2026 Hare na'in: 14 0 minutes read

Kuartel Jenerál, 17 de Julho de 2026

Adjuntu Xefe Estadu-Maior F-FDTL Koronel Tirosinadu Mario Baptista "Bersama", hamutuk ho Xefe CIMIC, Tenente Koronel Laurentino Gusmão, simu Ekipa Avaliasaun Resposta ba Situasaun Emerjénsia ASEAN.

Vizita ne'e ho objetivu atu avalia preparasaun no kapasidade Timor-Leste atu responde ba situasaun krize no desastres naturál iha futuru.

Iha enkontru ne'e, Koronel Tirosinadu Mario Baptista "Bersama" hateten katak iha nivél estratéjiku, Estadu-Membru ASEAN sira presiza iha akordu ida atu fasilita apoiu internasionál iha kualker momentu bainhira akontese emerjénsia ka dezastre.

Nia mós akresenta katak Governu Timor-Leste presiza harii Sentru Integradu ida iha kapitál Díli no iha munisípiu sira atu fasilita prosesu simu no koordena apoiu internasionál durante resposta ba emerjénsia.

Aleinde ne'e, nia subliña importánsia husi Standard Operating Procedures (SOP) ida ne'ebé klaru ba instituisaun no parte hotu ne'ebé envolve, atu garante servisu koordenadu no efisiente iha tempu nesesariu liga ba dezastre naturais.

Media F-FDTL