Unidade Apoiu Servisu F-FDTL Realija Atividade Marsa Forsada Bá Militár Sira

Metinaro, 27 Marsu 2026

FALINTIL-Forsa Defeza Timor-Leste (F-FDTL) Liu husi Unidade Apoiu Servisu F-FDTL (UAS) realija atividade Marsa Forsada bá Membru sira atu aumeta sira nia kondisaun fiziku no mental Militár sira nia hodi asegura katak prontu nafatin kumpri kualker misaun ne'ebé Komandu F-FDTL atribui bá Unidade Apoiu Servisu (UAS).

Nia dehan, aktividade Marfor ida ne'e hanesan programa anual ne'ebé kada tinan sempre implementa bá Komandu F-FDTL nian laran, tanba ne'e mai iha Unidade Apoiu Servisu foin realiza aktividade ida tan.

"Ninia objetivu prinsipal maka ne'e, oinsá ita mantein estadu fiziku no mental forsa sira ninian, nune'e ita prontu nafatin kumpri kualker misaun ne'ebé Komandu F-FDTL iha no atribui mai ami, no mós prontu atu ezekuta,"hatete Komandante Unidade Apoiu Servisu (UAS) Major Horácio dos Santos Baptista “Upulai”.

Nia esplika atividade Marfor ne'e, bá UAS deit, ho distansia 14 kilometrus, Maibé iha tinan ida labele hein matrix, maibé Komandu iha hanoin iha inisiativa rasik sei hala'o aktividade Marfor ne'e.

"Hau haree hau nia soldado sira ohin hala'o aktividade Marfor ida ne'e ho kontenti laiha asidente, hanesan ain kanek no ain moras lao labele ne'e laiha, Ami hotu-hotu ohin ne'e enerjia hanesan no hotu-hotu Lao to'o mai iha ne'e,"nia deklara.

Entertatu Ezersísiu ne'e partisipa husi Komandante Unidade Apoiu Servisu (UAS) Major Horácio dos Santos Baptista “Upulai”, Segundu Komandante UAS, Major Vilanova dos Reis, no mós ofisiais, sarjentu sira no prasa sira hotu iha Unidade Apoiu Servisu.

Sira hala'o marsa ho distánsia 14 km, hahu husi Behau to’o iha baze Unidade Apoiu Servisu.

Iha nia mensajen bá membru sira, Komandante UAS hatete katak, aleinde halo ezersísiu iha unidade, kada Militár ida-idak presiza halo ezersísiu regularmente. Nia mós haktuir katak iha tempu ohin loron, moras barak mosu tanba falta atividade fizika, tanba nee importante atu halo ezersísiu no kontrola hahan, liu-liu hahan ne'ebé saudável.

Media F-FDTL

Sargento Carceres & Izidor Lopes