Divizaun Komunikasaun no Sistema Informasaun (DIVCSI)

Iha loron 8 fulan Maiu tinan 2025, Divizaun Komunikasaun no  no Sistema Informasaun (DIVCSI) ofisialmente entrega estajiáriu na'in tolu ne'ebé kompleta ho susesu sira nia estájiu kurrikulár iha Divizaun. Estudante sira, hosi Institute Of Business (IOB), hala'o atividade prátika sira iha fulan tolu nia laran, hodi integra sira-nia an iha rutina sira no operasaun sira DIVCSI nian.

Durante períodu ne’e, estajiáriu sira iha oportunidade atu aprofunda sira-nia koñesimentu iha área jestaun sistema informasaun, manutensaun ekipamentu no apoiu tékniku ba operasaun iha DIVCSI.

Divizaun agradese ba kompromisu, dedikasaun no kontribuisaun husi estajiáriu sira no reforsa importánsia husi parseria ho instituisaun ensinu superiór sira, hanesan IOB, iha reforsu ba formasaun prátika husi joven Timoroan sira.

Ami dezeja susesu ba estájiáriu na'in tolu ne'e hodi kontinua sira nia formasaun akadémika no profisionál no hein atu simu fali sira iha futuru ba oportunidade foun sira ba kolaborasaun.

DIVCSI — FALINTIL-FDTL

Manatuto, 04 abríl 2025 

Ekipa Transmisaun husi Divizaun Komunikasaun no Sistema Informasaun (D6) FALINTIL-FDTL hala’o formasaun téknika espesializada kona-ba instalasaun sistema rádiu ida no antena torre, diriji ba pesoál Forsa Jerál Apoiu (FAG) no Komponente Naval (CN). Formasaun ne’e hala’o iha munisípiu Manatuto no hetan partisipasaun ativa husi membro sira husi unidade rua ne’e, inklui membro feto ida, ne’ebé destaka kompromisu instituisaun nian ba inkluzaun no igualdade jéneru.

Objetivu prinsipál husi formasaun ne’e mak atu kapasita partisipante sira kona-ba instalasaun sistema komunikasaun ne’ebé loos no seguru, ho foku espesiál kona-ba monta antena iha torre sira, ligasaun rádiu no teste sinál. Tipu formasaun ida-ne’e esensiál atu asegura komunikasaun sira ne’ebé efetivu iha operasaun sira iha terenu no atu mantein prontidaun operasionál F-FDTL nian.

Durante formasaun, partisipante sira hetan instrusaun teórika no prátika kona-ba tópiku sira tuir mai ne’e:

Prosedimentu seguransa nian ba sa'e no serbisu iha torre sira;

Montajen no aliñamentu antena nian;

Ligasaun no kalibrasaun ba rádiu sira;

Teste sinál no verifikasaun kobertura komunikasaun nian.

Inisiativa ne'e reflete D6 nia kompromisu ne'ebé la'o hela hodi hametin kapasidade téknika sira hosi unidade operasionál sira, hodi promove atualizasaun hosi koñesimentu sira no padronizasaun hosi prosedimentu sira iha área komunikasaun militár nian.

FALINTIL-FDTL kontinua investe iha formasaun ba ninia rekursu umanu sira, hodi valoriza partisipasaun ativu husi ninia membru hotu-hotu hodi harii forsa ida ne’ebé modernu, efisiente no inkluzivu.

Ohin, 28 Marsu, ekipa D6 halo viajen ba Postu Gleno, ho objetivu atu kontinua rekolla dadus relasiona ho ekipamentu komunikasaun no IT. Serbisu ida-ne'e halo parte inisiativa Komando nian ne'ebé la'o hela atu asegura atualizasaun no monitorizasaun efisiente ba rekursu tékniku sira, hodi asegura katak sistema hotu-hotu operasionál no tuir padraun kualidade no seguransa nian.

Liuhusi levantamentu ne’e, ekipa sei rekolla informasaun detallu kona-ba ekipamentu ne’ebé uza, ho objetivu atu hadi’a dezempeñu, jestaun no manutensaun ba sistema komunikasaun no IT, esensiál ba operasaun sira ne’ebé la’o ho di’ak.

Ami nia misaun maka atu asegura katak estasaun servisu hotu-hotu ekipadu ho teknolojia atualizadu no funsionál, hodi promove efisiénsia no produtividade. Ami nafatin iha kompromisu ba hadi'a kontínua ami nia prosesu no infraestrutura sira.

Ekipa D6

Kuarta, 26 Marso 2025

Divizaun Komunikasaun no Sistema Informasaun (D6) hahú halibur dadus kona-ba F-FDTL komunikasaun no ekipamentu IT, inklui rádiu, komputadór, projetór no dispozitivu sira seluk ne ebé esensiál ba operasaun.

Iha loron dahuluk atividade ne’e, ekipa ba Komponente Naval, iha ne’ebé sira halo verifikasaun, rejista no atualiza informasaun kona-ba ekipamentu ne’ebé iha ona. Levantamentu ne’e ho objetivu atu garante jestaun ne’ebé di’ak liu ba rekursu teknolójiku sira, hodi garante sira-nia disponibilidade no funsionalidade hodi apoia atividade operasionál no administrativa F-FDTL nian.

Prosesu levantamentu sei kontinua iha Komponente no Unidade sira seluk, hodi reforsa organizasaun no efisiénsia iha jestaun ekipamentu nian.

Ekipa D6