Metinaru, 11 Novembru 2026
Xefe Estadu Maior Jenerál Forsas Armadas Reino Tailándia, Jenerál Ukris Boontanondha, hamutuk ho nia delegasaun, halo vizita servisu ba Forsa Apoiu Jerál (FAG), iha Metinaru.
Iha vizita delegasaun ne'e simu direta husi Komandante Forsa Apoiu Jerál, Tenente-Koronel João Bosco Ximenes “LENOK”, hamutuk ho estrutura komandu.
Simu delegasaun ne'e ho serimónia guarda-ondra husi membru Forsa Apoiu Jerál, nu'udar forma respeitu no onra ba visitante.
Vizita servisu ne'e iha objetivu atu haree diretamente kondisaun no atividade Unidade Forsa Apoiu Jerál, no hametin relasaun amizade, kooperasaun no solidariedade entre Forsa Defeza Timor-Leste (F-FDTL) no Forsa Defeza Tailándia.
Depois remata programa vizita servisu iha Forsa Apoiu Jerál, Jenerál Ukris Boontanondha ho nia delegasaun kontinua vizita ba Lafaek ida ho naran António.
Iha oportunidade ne'e, Jenerál Tailándia fó han ba Lafaek António, nu'udar atividade simbólika ne'ebé hatudu sentimentu amizade, solidariedade no atensaun ba ambiente natureza.
Vizita ne'e sai parte ida husi programa vizita ofisial Xefe Forsa Defeza Tailándia ho nia delegasaun ba Timor-Leste, atu kontinua hametin relasaun amizade no kooperasaun entre nasaun rua, liuliu iha área defeza no seguransa.
Média F-FDTL
Alferes Pio, Sargento Carceres & Bonifacio Mendonca
Ave. Nicolao Lobato, Fatuhada
Comoro, Dili, Timor-Leste
Tel: +670 78156312
Email: info@fdtl.mil.tl