Xefe Forsa Defeza Nasionál Tailándia Ho Delegasaun To Iha Timor-Leste, Simu Husi Komodoro Higino Das Neves Ho Espoza

Dili,10 Novembru 2026

Xefe Estadu Maior Jenerál Forsas Armadas Reino Tailándia, General Ukris Boontanondha, hamutuk ho nia delegasaun, to'o iha Aeroportu Internasionál Nicolau Lobato, Díli, Timor-Leste, simu husi Reprezentante Xefe Estadu-Maior Jenerál FALINTIL-Forsa Defeza Timor-Leste (F-FDTL),atúal Komandante Komponente Naval, Komodoro Higino das Neves "Superman",no akompaña husi nia espoza.

Simu delegasaun ne'e hatudu relasaun di'ak no amizade ne'ebé eziste entre Timor-Leste no Reino Tailándia, liuliu iha área defeza no seguransa.

Vizita ofisiál ida-ne'e sai hanesan oportunidade importante atu hametin tan relasaun kooperasaun no amizade entre F-FDTL no Forsa Defeza Nasionál Reino Tailándia, liuhusi diálogu no troka esperiénsia iha área militár.

Iha parte seluk, prezensa delegasaun Tailándia iha Timor-Leste mós reforsa esforsu hamutuk atu kontinua dezenvolve kooperasaun bilaterál, bazeia ba respeitu mútu no interese komún entre Nasaun rua.

Media F-FDTL