Kompanhia Enjenharia F-FDTL Hala’o Simulasaun Ajuda Humanitária Ba Dezastre Naturál Iha Ilha Jako

Ilha Jako, 4–6 Novembru 2026

Pelotão Engenharia Kombate, husi Kompañia Engenharia FALINTIL-Forsa Defeza Timor-Leste (F-FDTL), hala’o atividade simulasaun Ajuda Humanitária ba Dezastre Naturál (HADR) iha Ilha Jako, durante loron tolu, hahu husi loron 4 to’o 6 Novembru 2026.

Atividade ne’e hahú ho treinamentu preparasaun no verifikasaun ekipamentu iha Kompañia Engenharia, molok ekipa desloca ba Ilha Jako. Objetivu husi treinamentu ne’e mak atu aumenta kapasidade no abilidade membru sira iha área rekonesimentu ba fonte bee, halo peskiza ba komunidade no identifika fatin apropriadu atu estabelese sistema purifikasaun bee masin sai bee mos.

Durante atividade ne’e, ekipa konsege prodús bee moos hamutuk litru 2.000. Husi total ne’e, litru 1.000 fahe ba komunidade iha Ualu Beach no litru 1.000 seluk utiliza atu fó hemu ba rusa sira iha Ilha Jako.

Atividade ne’e hala’o bazeia ba Planu Anuál 2026 Kompañia Engenharia, ho objetivu atu asegura katak membru sira prontu no iha kapasidade atu responde bainhira hetan misaun asisténsia humanitária iha futuru.

Treinamentu ne’e hetan apoiu husi ekipa treinamentu DCP-TL, liuliu iha área Engenharia Kombate, ho asisténsia husi asesór Sargento Heath Crotty.

Autoridade lokál hamutuk ho komunidade Sira ho ekipa Floresta kontenti no apresiasaun ba atividade Ida ne’e, tanba kontribui diretamente ba nesesidade bee mos ba komunidade no ambiente iha Ilha Jako.

Média F-FDTL