Membru FALINTIL-FDTL Nain-Lima Partisipa Iha Semináriu Regional Feto, Paz No Seguransa Iha Manila, Filipina

Manila, Filipina, 08 Novembru 2026

Membru FALINTIL-Forsa Defeza de Timor-Leste (FALINTIL-FDTL) nain-lima (5) partisipa iha Semináriu Regional Feto, Paz no Seguransa, ne'ebé hala'o durante loron rua, husi dia 5 to'o 6 Novembru 2026, iha Manila, Filipina ne’ebe organiza husi UN Women ne’ebe direta husi Governo Kanada.

Semináriu ne'e envolve Oficiais Superiores, Subalternos, no Sargentos sira husi instituições Forças Armadas ASEAN balun, hanesan Indonézia, Malázia, Filipina, Vietname, Timor-Leste, inkluíndo Canada. Husi Timor-Leste konstitui Oficial Superior ida, Subalternos tolu no Sargento ida, ne’ebe hetan akompanha husi oficial UN Women TL nain-ida.

Objetivu prinsipál husi semináriu refere mak atu fahe experiênsia konaba implementasaun FETO PAZ NO SEGURANSA (FPS/WPS) iha ida-idak nia instituisoens, liu-liu liga ho papel FPS/WPS iha operasoens Assistênsia no apoio Humanitária iha Caso Catástrofes ou Dezastre Naturais (HADR), no Utilizasaun Inteligência Artificial (IA/AI) ne’ebe orienta ba Paz, nune’e mos hasa’e kapasidade lideransa no promove partisipasaun inkluziva militar feto sira iha operasaun ba manutensaun paz iha futuru hare husi perspetiva/lensa FPS/WPS.

Durante semináriu, partisipante sira hetan oportunidade hodi fahe esperiénsia, diskute dezafiu operasionál no troka hanoin kona-ba prátika di'ak sira atu responde ba nesesidade defesa no seguransa ne'ebé kontinua muda tuir dezenvolvimentu mundu nian.

Partisipasaun membru nain lima iha semináriu regional ne'e, reforsa mos kompromisu no komitmentu instituisaun FALINTIL-FDTL atu kontinua dezenvolve kapasidade profisionál, no konsolida papél feto FALINTIL-FDTL nian hodi kontribui ba paz no seguransa iha rai-laran no iha rai-liur, tuir Lei, Ordem Comando no Governo.

Média F-FDTL