Xefe Estadu Maior Jenerál F-FDTL Despedida Asessór Naval Portugál No Simu Asessór Foun Hodi Hamutuk Hametin Kooperasaun Militár

Kuartel Jenerál F-FDTL Fatuhada, 05 Novembru 2026 

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente-Jenerál Domingos Raúl “Falur Rate Laek”, hala’o serimónia despedida ba Asesór Portugal iha Komponente Naval, Kapitaun Fragata Henriques da Costa, no fó boas-vindas ba asesór foun, Kapitaun Fragata Rato Caldeira.

Xefe Estadu Maior Jenerál hato’o apresiasaun no rekoñesimentu ba servisu, kontribuisaun ne’ebé Kapitaun Fragata Henriques da Costa fó durante nia misaun hanesan asesór iha Komponente Naval F-FDTL.

Iha tempu hanesan, Xefe Estadu Maior Jenerál F-FDTL fó boas-vindas ba Kapitaun Fragata Rato Caldeira, ne’ebé sei kontinua hala’o kna'ar hanesan asesór naval husi Portugal, hodi hametin liután relasaun kooperasaun entre F-FDTL no Forças Armadas Portugal, liuliu iha área dezenvolvimentu kapasidade Komponente Naval.

Média F-FDTL