Vise Xefe Estadu Maior Jenerál Partisipa Iha Semináriu Kona-Bá Papel Frente Armada No Juventude Iha Luta Libertasaun Nasionál

Dili, 26 Outubru 2026

Vise Xefe Estadu-Maior Jenerál FALINTIL-Forsa Defeza Timor-Leste (F-FDTL), Major Jenerál Calisto Santos Coliati, partisipa iha semináriu ho tema “Valoriza Luta Juventude Loriku Asuwain, ho Apoiu Igreja Katólika nian, bá Libertasaun Timor-Leste”.

Semináriu ne’e nia objetivu jerál mak atu valoriza, rekoñese no preserva kontribuisaun istórika juventude Timoroan, liuliu jerasaun Loriku Asuwain, ne’ebé partisipa iha Frente Klandestina durante luta libertasaun nasionál.

Aleinde ne’e, semináriu ne’e mós iha objetivu atu promove diálogu entre jerasaun rezisténsia no juventude ohin loron, hodi hametin spiritu patriotizmu, identidade nasionál, solidariedade no responsabilidade sivika iha sosiedade.

Partisipa iha Semináriu ne'e Mak hanesan Vise Xefe Estadu Maior Jenerál F-FDTL Major Jenerál Calisto Santos Coliati, Komandante Komponente Naval, Ministru Asuntu Kombatente Libertasaun Nasionál Gil Oan Soru, Membru Parlamentu Nasional, estudante sira husi eskola sekundária no universidade, inklui mós lider relijiozu sira.

Partisipasaun iha semináriu ne’e reflete importánsia atu kontinua valoriza no transmite istória luta libertasaun nasionál ba jerasaun foun, hodi sira bele komprende no preserva valór patriotizmu no sakrifísiu ne’ebé jerasaun uluk halo ba ukun-rasik-an Timor-Leste.

Média F-FDTL

Cabo Nhoy Borges