CEMGFA Delega Xefe Divizaun CTM Partisipa Misa Nova Pe.Marcos Apu Colo.Sj Iha Kapela Nefomtasa Banafi RAEOA

RAEOA-BANAFI, 08 Agostu 2026

Xefe Estadu Maior Jenerál F-FDTL Tenente Jenerál Domingos Raúl "Falur Rate Laek" delega Xefe Divizaun CTM Tenente Koronel Graduadu Eng. Domingos Oki partisipa misa nova Pe.Marcos Apu Colo.SJ iha kapela Nefomtasa, Suku Banafi Sub Rejiaun Administrativu Nitibe, Rejiaun Administrativu Espesial Oekuse Ambeno.

Hafoin remata santa misa ne'e representante Xefe Estadu Maior Jenerál F-FDTL Falur Rate Laek liu husi Xefe Divizaun CTM Tenente Koronel Graduadu Eng. Domingos Oki iha intervensaun haktuir mensazen Xefe Estadu Maior Jenerál F-FDTL hodi hato'o parabéns ba Pe.Marcos Apu Colo.SJ ne’ebé simu vokasaun foun hodi servi kreda tuir dalan jezuita nian no mós fó parabéns ba sarani tomak iha Aldeia Nefomtasa suku Banafi no promete loron ida sei vizita Nefomtasa.

"Ha'u mai lori Xefe Estadu Maior Jenerál F-FDTL Tenente Jenerál Falur Rate Laek nia naran, mensazen ne’ebé nia hameno ba ha'u hodi hato'o ba imi maka Parabéns ba Amu foun ne’ebé simu ona ordenasaun hodi serví kreda no mós fó parabéns ba sarani sira iha aldeia Nefomtasa, suku Banafi nia promete loron ida nia sei to direta mai vizita imi iha fatin ne'e" dehan reprezentante CEMGFA Tcor Oki iha Kapela Nefomtasa Sabadu, 08 Agostu 2026.

Partisipa iha misa nova ne'e partisipa husi Tcor Graduadu Eng. Domingos Oki ho ekipa akompaña mós husi Komandante postu Oebau Sub-Tenente Fuzileiro Januario Da Cruz Mota ho ekipa, padre sira husi Jezuita, Madre sira no sarani sira husi Banafi.

Ekipa Média F-FDTL

Boni Mendonça