Dili, 16 Novembru 2026
Diresaun Saúde Militár (DSM) FALINTIL-Forsa Defeza Timor-Leste (F-FDTL) hala’o enkontru inisiál ho ekipa formadór husi Portugal, hodi ko’alia kona-ba programa formasaun iha área saúde militár, liuliu kona-ba Socorrismo (Suporte Básiku de Vida) no TCCC (Tactical Combat Casualty Care).
Formasaun ne’e sei fasilita diretamente husi ekipa formadór Portugal, ne’ebé sei lidera husi Tenente-Koronel Pedro Resende, husi Unidade de Ensino, Formação e Investigação em Saúde Militar (UEFISM).
Programa formasaun ne’e sei hahú husi loron 18 Novembru to’o 03 Dezembru 2026, no sei hala’o iha Kuartél Jenerál Fatuhada, Dili, no iha Metinaro.
Formasaun ida-ne’e nia objetivu atu hasa’e koñesimentu no kapasidade téknika ba membru F-FDTL iha área saúde militár, hodi hametin preparasaun no abilidade atu fó asisténsia médika emerjénsia, liuliu iha situasaun operasionál no kombate.
Media F-FDTL
Cabo Nhoy Borges
Ave. Nicolao Lobato, Fatuhada
Comoro, Dili, Timor-Leste
Tel: +670 78156312
Email: info@fdtl.mil.tl