Diresaun Saúde Militár F-FDTL Fó Apoiu Ba Konsulta Médika Masál Hodi Komemora 35.º Aniversáriu Masakre Santa Cruz

Dili, 06 Novembru 2026

Diresaun Saúde Militár (DSM) FALINTIL-Forsa Defeza Timor-Leste (F-FDTL) ohin fó apoiu bá atividade konsulta médika masál ne'ebé hala'o iha Ministériu Juventude, Desportu, Arte no Kultura (MJDAC), nu'udar parte husi preparasaun bá komemorasaun loron 12 Novembru, ne'ebé hanesan data istóriko hodi hanoin hikas Masakre Santa Cruz ne'ebé akontese iha 12 Novembru 1991.

Atividade ne'e hala'o ho espíritu 12 Novembru nian, ho tema “Espíritu 12 Novembru nian lori ita hamutuk atu harii dame no autonomia ba dezenvolvimentu sustentável.”

Konsulta médika masál ne'e la'ós de'it atividade prestasaun servisu saúde, maibé mós sai hanesan oportunidade atu hanoin no valoriza sakrifísiu juventude Loriku Asuwain sira ne'ebé lakon sira-nia moris iha Masakre Santa Cruz.

Liuhusi atividade ne'e, partisipante sira hetan konvite atu kontinua preserva memória istórika, aprende husi sakrifísiu erói no mártir sira, no hametin kompromisu hodi kontribui ba harii dame, unidade no dezenvolvimentu sustentável iha nasaun.

Média F-FDTL

Cabo Nhoy Borges