V-CEMGFA Hala’o Reuniaun Ho DGPDN Portugál Iha Sala Reuniaun CEMGFA

Dili, 27 Outubru 2026

Vise-Xefe Estadu-Maior Jenerál Forsa Defeza Timor-Leste (F-FDTL), Major-Jenerál Calisto Santos Coliati, hala’o reuniaun ho Diretór-Jerál Planeamentu no Polítika Defeza Nasionál (DGPDN) Portugal no reprezentante Ministériu Defeza Portugal, iha Sala Reuniaun CEMGFA nian.

Reuniaun ne’e foka koperasaun entre Timor-Leste no Portugal iha área defeza, liuliu kooperasaun iha domíniu ospitál militár, komunikasaun, Komponente Aérea Lizeira no Unidade FALINTIL, ho énfaze ba área formasaun no kapasitasaun.

Aleinde ne’e, parte rua mós ko’alia kona-ba dezenvolvimentu Sentru Lian Portugés. Sorumutu refere nu’udar oportunidade atu hametin relasaun koperasaun entre F-FDTL no instituisaun defeza Portugal iha dezenvolvimentu kapasidade rekursu umanu no área sira ne’ebé sai prioridade ba instituisaun defeza Timor-Leste nian iha futuru.

Reuniaun ne’e partisipa mós husi Adjuntu Xefe Estadu-Maior Jenerál, Komandante Komponente Aérea Lizeira, Xefe Gabinete CEMGFA, Xefe Gabinete V-CEMGFA no reprezentante Divizaun Planeamentu.

Média F-FDTL