NOTISIA

Xefe Estadu Maior Jenerál F-FDTL Despedida Ofisial F-FDTL Nain Rua Molok Ba Kumpri Misaun Iha Sudaun Do Sul

Media F-FDTL QG Notisia 29 de julho de 2026 Hare na'in: 11 0 minutes read

Kuartel Jenerál Fatuhada, 28 Jullu 2026

Dili, Timor-Leste – Xefe Estadu Maior Jenerál F-FDTL Tenente Jenerál Falur Rate Laek halo serimónia despedida ba militár nain rua husi FALINTIL-Forsa Defeza Timor-Leste (F-FDTL), ne’ebé sei ba kumpri misaun iha Sudaun do Sul iha tempu besik.

Militár nain rua ne’e kompostu husi Major Graduadu Guido Jeronimo Guterres no Kapitaun Graduada Leandra Ferinda Gonzaga no sai mos hanesan momentu historiku ida ba F-FDTL tamba ofisial feto dahuluk ho postu kapitaun ba kumpri misaun ba Paz iha nasaun Sudaun Sul durante tinan ida.

Portantu, militar nain rua refere sei aranka husi Timor-Leste ho orariu ne'ebe la hanesan nune'e Major Graduadu Guido Jeronimo Guterres Sei aranka iha loron 14 fulan Agostu 2026 no Kapitaun Graduada Leandra Ferinda Gonzaga sei aranka iha loron 21 Fulan Agostu 2026.

Iha serimónia despedida ne’e, Xefe Estadu Maior Jenerál F-FDTL hato’o orientasaun no mensajen ba militár nain rua atu hala’o sira-nia misaun ho responsabilidade, disiplina, integridade no profisionalizmu.

Xefe Estadu Maior Jenerál F-FDTL mós enkoraja sira atu kumpri sira-nia misaun ho dedikasaun no kompromisu, nafatin mantéin ho imajen di’ak F-FDTL no lori naran di’ak Timor-Leste durante sira-nia misaun iha Sudaun do Sul.

Serimónia ne’e mós sai hanesan momentu importante ida atu hato’o apoiu no votos di’ak ba militár nain rua, ho esperansa katak sira sei kumpri sira-nia misaun ho susesu no fila fali ba Timor-Leste iha kondisaun di’ak.

Ekipa Média F-FDTL

Cabo J' Silva