Kompanhia Enjinaria F-FDTL Halo Purifikasaun Tasi Been Sai Bee Mós Hodi Fornese Bá Komunidade Munisípiu Ataúro

Ataúro, 14-19 Marsu 2026

Kompanhia Enjinaria F-FDTL hamutuk ho adviser kombate Enjinaria, Sargento Crotty, hala’o treinamentu kona-bá purifikasaun tasi-been sai bee-mos iha Ilha Ataúro durante semana ida.

Treinamentu ne’e foka liu bá rekonhesimentu pontu tasi-been, preparasaun relatoriu rekonesimentu, no mós manutensaun ekipamentu iha terenu.

Objetivu prinsipal mak atu eleva kapasidade F-FDTL nian liliu Kompania Enjinaria iha distribuisaun no purifikasaun bee, hodi responde efetivamente bá asisténsia umanitária no dezastre naturál sira.

Durante treinamentu, kada loron ekipa konsege produz bee hemu entre 1,750 litros, no durante misaun tomak atinji aproximadamente 7,000 litros.

Bee ne’e distribui bá komunidade sira iha área remota hanesan Mau-Meta, Auro Ana, Akrema, Douro no Vatuu Munisípiu Ataúro.

Iha treinamentu ne’e hetan vizita husi Komandante Forsa Apoiu Jerál F-FDTL Tenente Koronel João Bosco Ximenes (Lenok), Major Hopgood, Major Pinheiro, Major Flanagan, Kapitaun Cathie, Komandante Kompanhia Enjinaria Kapitaun Paulino da Costa (Terdede) nomós SGT Ezekial Caroma husi Embaixada Amérika iha Timor-Leste.

Programa ne'e realija tamba komandu FALINTIL-Forsa Defeza Timor-Leste (F-FDTL) servisu hamutuk ho Defence Coorperation Program (DCP) husi Austrália.

Media F-FDTL

Kompanhia Enjinaria F-FDTL