Hametin Relasaun Kooperasaun Militár Entre F-FDTL No Forsas Armadas Reino Tailándia

Kuartel Jenerál, 10 Novembru 2026

Enkontru entre Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente-Jenerál Falur Rate Laek, ho Xefe Estadu Maior Jenerál Forsas Armadas Reino Tailándia, Jenerál Ukris Boontanondha, hamutuk ho nia delegasaun, iha Kuartel Jenerál F-FDTL, Fatuhada, Dili, sai nu'udar momentu importante ida bá hametin relasaun amizade no parseria entre Nasaun rua.

Enkontru ida-ne'e la'ós de'it atu haforsa relasaun diplomátika no institusionál, maibé mós atu haburas koperasaun téknika militár entre F-FDTL no Forsas Armadas Reino Tailándia, liuhusi diálogu konstrutivu, troka esperiénsia no koñesimentu iha área Defeza no seguransa.

Koperasaun ida-ne'e espera bele sai dalan ida atu dezenvolve kapasidade institusionál, hasa'e koñesimentu profisionál no hametin kolaborasaun entre Forsas Armadas Nasaun rua, hodi kontribui bá dame, estabilidade no seguransa iha rejiaun.

Ekipa Media F-FDTL