D6 Halo Mini Formasaun iha Area Teknolojia Informasaun

Divizaun Komunikasaun no Sistema Informasaun (D6) husi FAILINTIL-FDTL hala'o hela mini formasaun téknika ba membru sira ne'ebé opera iha área Teknolojia Informasaun (TI). Atividade ida-ne'e realiza iha sala IT iha Kuartel-Jeral (QG) ho durasaun fulan rua.

Durante treinamentu, partisipante sira hetan koñesimentu pratiku no tékniku kona-ba materiál sira tuir mai:

• Instalasaun Sistema Operativu;
• Manutensaun ba kamera supervizaun (CCTV);
• Konfigura sistema vídeo konferénsia .

Objetivu prinsipál husi atividade ida-ne'e prepara  membru sira iha komponente ida-idak ne'ebé servisu iha área IT, haforsa kompeténsia téknika no hadi'a kapasidade operasionál iha dezempeñu funsaun sira-nian.

Liu husi inisiativa ida-ne'e, D6 hatudu ninia kompromisu ba dezenvolvimentu profisionál membru sira-nian no reforsu servisu teknolojiku sira iha FALINTIL-FDTL nia laran.