Dili, 11 Maiu 2026

Comandante Componente Naval F-FDTL Comodoro Higino Das Neves “SUPER-MAN” hanesan orador iha studio TVET Colégio São Miguel Arkanjo Comoro/Dili ho tema: “Riku Soin Timor-Leste Sulin ba Rai Liur: Oinsa F-FDTL Componente Naval no UPM Proteje Fronteira Marítima hodi Asegura Soberania no Poténsia Ekonomia Azul Timor-Leste.”

Iha intervista ne’e, Comandante Componente Naval esplika kona-ba papel importante F-FDTL Componente Naval no Unidade Polísia Marítima (UPM) hodi proteje fronteira Marítima, kombate atividade peska ilegal iha tasi no asegura soberania Nasionál.

Comodoro Higino haktuir, Timor-Leste iha poténsia boot iha área ekonomia azul, ne’ebé bele kontribui ba dezenvolvimentu ekonomia nasaun no moris di’ak povu Timor-Leste nian, tamba ne'e maka preija ita hotu ninian apoio ba F-FDTL Componente Naval no Unidade Polisia Maritima (UPM) hodi halo kna’ar protege Tasi Timor - Leste maske dezafiu barak maka sira (Membro) hasoru iha terreino maibe la hamate sira nian espiritu hodi protege Tasi Timor Leste”.

Iha eventu ne’e hetan partisipasaun husi Militar Componente Naval, UPM, Autoridade Marítima Nasional, no Estudante São Miguel Arkanjo.

Média Naval.

Hera, 7 Maio 2026

Reprezentante husi Comando Componente Naval Capitão Tenente Nercio V. ALVES akompania husi Xefe Gabinete, Xefe N1 no Xefe N4 hato’o mensájen ba membru militar ho total efetivu nain 13 ne’ebé sei tuir Curso Promosaun Capitão (CPC) iha Metinaro.

Iha oportunidade ne’e, Capitão Tenente Nercio V. Alves husu ba membru sira atu tuir kursu ho disiplina, responsabilidade no espírito militar atu hasa’e koñesimentu no kapasidade profissional ba dezenvolvimentu instituisaun.

Media Naval.

1° Srg. Garcia

Hera 04 Maiu 2026

Sua Exelênçia Comando Componente Naval Comodoro Higino Das Neves “SUPER-MAN”halo Formatura Geral Iha Baze Naval Hera.

Iha formatura ne’e Comando Componente Naval Comodoro Higino Das Neves “SUPER-MAN”Hateten Militar sira Tenke Tane a’as Disciplina no domin ne’ebe boot, no hatudu espiritu camardagem iha situasaun saida deit, Hametin , no kuda cultura iha ita boot sira nia leet hodi ajuda Ita nia maluk sira ne’ebe presija Ita nia tulun.Alende ne’e mos Comando Componente Naval Comodoro Higino Das Neves “Super-Man” Husu ba Militar sira hotu atu kuidadu saude.

Iha formatura ne partisipa husi Assesor Australia, Comandante Unidade, Ofissiais, Sargento no Prassas .

Media Naval./1° Srg. Garcia/Grt. Carla

Hera, 25 Abril 2026

Comandante Componente Forsa Naval, Sua Exelénsia Comodoro Higino das Neves, partisipa iha serimónia Loron ANZAK ho tema “Lest We Forget”. Serimónia ne'e hodi fó omenajen ba soldadu sira ne'ebé mate iha funu.

Serimónia ne'e realiza iha Edifísiu MAKLAN, Comoro, iha ambitu solene no respeitu

Loron ANZAK (Australian and New Zealand Army Corps) mak loron ne'ebé selebra kada tinan iha 25 Abril. Loron ne'e hanoin hikas soldadu sira husi Austrália no Nova Zelándia ne'ebé luta no mate iha funu, liu-liu iha GALLIPOLI iha tinan 1915.

Tema “Lest We Forget” nia lian significa: “Ita labele haluha”.

Loron ne'e hanorin ita atu sempre hanoin no respeita sakrifísiu husi soldadu sira ne'ebé servi ba sira-nia rain.

Objetivu husi serimónia ne'e:

1. Fó honra no hanoin fali kontribuisaun soldadu sira.

2. Hametin sentimentu patriotizmu (domin ba rain).

3. Hadi'a relasaun di'ak no kooperasaun entre nasaun sira.

Entidades importante sira ne'ebe partisipa iha serimónia ne'e:

· S. E. Prezidente Repúblika Timor-Leste

· S. E. Xefe Estadu Maior Forsa Armada

· S. E. Komandante PNTL

· Excellentissimo Adidu Defesa

· Nai veteranu sira

Sira hotu hamutuk fó omenajen no respeitu boot ba erói sira.

Media Naval

1° Srg. Garcia