FALINTIL-Força De Defesa De Timor-Leste (F-FDTL) Componente Força Naval Realiza Marsa Forsada Nível Componente
Hera, 17 Abril 2026
Excelentissimo 2º Komandante Componente Força Naval, Capitão Fragata Graduado Nicolau Sousa Guterres, hamutuk ho militar sira husi Unidade Esquadra Naval (UEN), Unidade Apoio Serviço Naval (CASN), Unidade Corpo Fuzileiros, Centro Formação Técnica Naval (CFTN) no Estado-Maior, realiza Marsa Forsada Nível Componente.
Atividade ida-ne’e bazeia ba matrís planeamentu anuál Componente Força Naval ne’ebé aprova husi Sua Excelénsia CEMGFA FALINTIL-F-FDTL. Tanba ne’e, iha loron 17 Abril 2026, Componente Força Naval organiza no hala’o atividade refere.
Objetivu prinsipal husi ezersísiu ida-ne’e mak:
- Hasa’e rezisténsia no kondisaun fíziku militar sira nian
- Habelar espiritu disiplina no unidade entre efetivu sira
- Familiariza militar sira ho terrenu no perímetru baze naval nian
- Hatudu prezensa institusional Força Naval ba komunidade
- Mantein preparasaun permanente atu kumpri misaun nasional
Marsa Forsada ne’e reflete kompromisu Componente Força Naval atu kontinua hametin profesionalizmu, disiplina no prontidaun atu defeende soberania Repúblika Demokrátika Timor-Leste.
Treinu ho rigor, servisu ho onra, defeza ho lealdade.
Media Naval
1.º Sargento Garcia
