Misa Requem No Despedida Ikus Ba Saudozu Segundo Tenente Fransisco Da Costa Iha Baze Naval Hera
Hera, 02 Maiu 2026
Misa Requem no despedida ikus saudozu segundo Tenente Doutor Fransisco da Costa(Leo-King), partisipa husi Comandante Componente Naval, Comodoro Higino das Neves”SUPER-MAN” Gabinete Vice Chefe Estado Maior, ofisiais superior no membru F-FDTL, husi unidade Componente no familia iha baze naval Hera.
Iha misa Requem nee preside husi Amu capelão F-FDTL Capitão Rui Soares Gomes, no Amu Representante husi familia matebian nian Amu Antonio, hafoin misa Remata kontinua kedas lori saudozu segundo tenente Fransisco da Costa(Leo-King), ba semíterio Demócrasia Metinaro.
Comandante Componente Naval Comodoro Higino das Neves”SUPER-MAN” hato’o liafuan ho sentido kondelensia ba familia matebian fen ho oan, no inan sira, triste tebes, Ita lakon ona Ita nia kompaneiro Ida ne’ebe Ita terus hamutuk, maibe Ita tenke soe nia Laos funu maibe planu Maromak nian. Ami agradese no fo Obrigado barak ba familia nia kontribuisaun tomak hodi Husik nia mai ami iha Instituisaun F-FDTL Componente Naval, forsa sei presija nia, tamba servisu barak maka nia la konsege halo to remata. Tamba forsa armada sei presija nia tulun atu salva militar sira ne’ebe moras, maibe infelizmente nia la asume kna’ar nee to Rohan,nune’e mos fo lisaun boot ba forsa armada atu bele kuidadu Ida-idak nia saude.
Representante familia husi matebian husu Obrigado no Deskulpa,karik durante nia Moris saudozu servisu hamutuk ho Comandante ho kolega sira iha atitude balu karik ladiak haraik perdaun ba nia no hasai orasaun atu nune saudozu bele hetan fatin diak iha Amam Maromak nian sorin, Maromak nia deside la hanesan ho Ita nia hakarak, Tamba ne lori saudozu nia fatin husu deskulpa husi faluk no oan kiak. Saudozu mate ho idade ne’ebe kiik husik hla kaben no oan ne’ebe foin sae, iha konfiansa nee katak simbolikamente atribuito bandeira nasional ho bonha Naval, ne’ebe entrega ba nia oan hanesan jerasaun kontinuador, atu kontinua Fila fali buat ne’ebe nia aman halo hela iha Componente Naval tamba nee simu bandeira Nasional no Bonha husi Comandante Componente Naval.
Biografia badak husi segundo tenente Fransisco da Costa.
Saudozu Moris iha munisipiu Dili, postu administrativu Vera-Cruz, iha loron 26 November 1984.
Saudozu oan husi aman:Manuel mau Quinta da costa,
Inan: Jacinta da costa, inan jacinta da costa kous oan hamutuk nain tolu(3) , feto rua mane main Ida , saudozu mak oan ba da toluk husi maun alin no feton sira,saudozu forma ona familia ho senora. Manuela Oliveira Carvalho Maia,no kous oan feto ho naran Paulivia Oliveira Frannel Maia.
SAUDOZU NIAN NIVÉL EDUKASAUN.
Hahu primaria iha eskola primaria publiku no 4 Fatumeta Dili, no remata iha tinan 1996. Saudozu kontinua nia estudo iha nivel sekundaria, iha ensino sekundaria distrital Dili, no remata iha tinan 2002.
Saudozu kontinua iha nivel universariu iha nasaun Cuba, iha area de estado Medicina Jeral basika, no gradua iha Universidade Nasional Timor Lorosa’e(UNTL) Iha tinan2012 .
IHA VIDA MILITAR.
Saudozu enkopora iha F-FDTL iha 17 Fevereiru 2003,fregenta kursus formasaun prasas iha Centru Intrusaun Comandante Nicolau Lobato(CICNL)Iha Metinaro, ho postu soldado.
Depois de pasa pronto saudozu coloka iha Unidade de Apoio Servisu(UAS), metinaru.
Iha tinan 2004, saudozu kursus komunikasaun iha CICNL metinaru.
Iha tinan 2004, saudozu kursus signal despatch services training held iha CICNL metinaru.
Iha tinan 2013 saudozu koloka iha Unidade Apoio de Servisu(UAS),iha klinika militar Metinaro, nudar mediku jeral basiku.
Iha tinan 2013, saudozu promove ba postu Alferes loron 02 fevereiru 2013.
Tinan 2014 ,saudozu kursus formasaun ofisiais iha Centru Instrusaun Comandante Nicolau Lobato(CICNL) metinaru.
2015, saudozu koloka iha Componente Naval Iha klinika iha Componente Naval Hera nudar mediku geral basiku Componente Naval.
Tinan 2017, saudozu kursus HIV master training curse iha Marie's Stopes Dili.
Tinan 2022 saudozu promove ba postu tenente iha Quartel General das F-FDTL Fatuhada,
loron 20 Agustus 2022.
Tinan 2024 Saudozu promove ba postu segundo Tenente iha baze Componente Naval Hera.
Iha 20 Agustus 2024,Saudozu asume kargu hanesan Chefi Departamentu Medik Componente Naval to saudozu hakotu ninian jornada Moris iha mundu nee.
Ida ne'e maka dedikasaun servisu ne’ebe saudozu halao ona ba Rai Doben no Instituisaun F-FDTL durante saudozu nian Moris tomak.
Saudozu nudar mos ofisial diak Ida ba maluk militar sira hotu. Maibe iha loron 30 Abril 2026, saudozu hakotu ona Viagem Moris iha mundo nee tamba sofre moras Stroke Hemorgia iha HNGV. Mate ne segredu maromak nian, banhira, iha ne’ebe , sa oras no ho modelu oinsa , laiha Ema Ida mak hatene , infelizmente maromak bolu ona saudozu ba hamutuk ho nia, iha nai nia kadunan santu, tamba nee intituisaun F-FDTL senti lakon tebes nia membru diak Ida, ne’ebe fo Ninia dedikasaun tomak hodi servi ba Instituisaun no rai doben Timor Leste.
To ba nee deit biografia badak husi saudozu Segundo Tenente Fransisco da Costa ( Leo-King) .
ADEUS ,ADEUS, ADEUS, saudades Eterna Comandante Leo - King. Familia , parentes no amigos hotu, sempre lembra nafatin memoria durante Moris iha mundo nee.
Descansa Em Paz.
Media Naval.
1° Srg. Garcia
Grt. Carla
