Díli, 19 Maiu 2026

Comandante Componente Naval, Comodoro Higino Das Neves “Super-Man”, partisipa iha Missa Agradesimentu bá Komemorasaun Loron Restaurasaun Independénsia Timor-Leste bá dala-24, iha Igreja Katedral Díli.

Missa ne’e partisipa husi Sua Exelensia Primeiru-Ministru Kay Rala Xanana Gusmão membru Governu sira, membru Parlamentu Nasionál, autoridade lokál, F-FDTL no PNTL, Veteranus, Estudantes no komunidade sira Hotu.

Serimónia relijiozu ida ne’e realiza atu agradese bá luta no sakrifísiu povu Timor-Leste nian hodi alkansa independénsia no hametin unidade Nasionál.

Selebrasaun missa agradesimentu ne’e prezide husi Amu Selebrante Graciano Barreto, akompanhadu husi Amu Angelo Salsinha no Amu Paul Maia.

Iha omilia, Amu Selebrante hato’o katak Loron Restaurasaun Independénsia la’ós de’it atu hanoin kona-bá istória luta ukun-rasik’an, maibé mós sai hanesan momentu ida atu povu Timor-Leste hametin unidade Nasionál, solidariedade no dame entre povu hotu-hotu.

Nia mós husu bá komunidade atu kontinua hametin espiritu patriotizmu, respeitu malu no servisu hamutuk bá dezenvolvimentu Nasaun nian.

Depois missa autoridade no konvidadu sira kontinua bá kari aifunan iha Monumentu Prezidenti Francisco Xavier do Amaral, Monumentu Prezidenti Nicolau dos Reis Lobato, Simitériu Santa Cruz no Tasi Ibun Motael, hanesan forma respeitu no omenajen bá lider no herói sira ne’ebé kontribui bá libertasaun Nasaun Timor-Leste nian.

Media F-FDTL Naval

1º Sargento Garcia

Grumete. Carla

Hera,18 Maiu 2026

Comandante Componente Naval Comodoro Higino Das Neves “SUPER-MAN” halo enkontru hamutuk ho membru militar husi Componente Naval sira ne’ebé nomeadu hanesan adidu iha Quartel General Fatuhada, Dili. Enkontru ne’e realiza iha Base Naval Hera.

Objetivu husi engkontru ida ne’e Atu hatene klean kona-ba servisu no responsabilidade membru militar Componente Naval sira ne’ebé adidu iha Quartel General, no habelar koordinasaun servisu entre Componente Naval no Quartel General.

Media Naval.

1°Srg.Garcia

Hera, 16 Maiu 2026

Representante Comandante Componente Naval, Segundo Comandante Componente Naval Capitão Fragata Graduado Nicolau Sousa Guterres, partisipa serimónia Deslutu ba saudozu Ernesto Fernandes “Dudu e Tinha” iha Munisípiu Ermera.

Serimónia ne’e hahú ho missa iha Parókia Nossa Senhora da Graça Gleno, ne’ebé preside husi Padre Ricardinho M. Castro. Missa ne’e partisipa husi S.E. Vice-Primeiro Ministro,S.E Ministro MACLAN,Membru Governu,Jenéral Reformado,Aman/Inan veteranu,Membro Parlamento,2° Comandante Componente Terrestre,Comandante 2 Batalhão,2°Comandante PNTL,Autoridade lokal,Família,Estudante no Komunidade hodi fó omenajen ikus ba saudozu.

Saudozu Ernesto Fernandes “Dudu e Tinha” mate iha loron 7 Maiu 2025 iha Hospital Nacional Guido Valadares, Díli.

Depois missa remata, alta idfamília no convidadu sira lori aifunan ba tau iha fatin deskansa ikus saudozu “DUDU E TINHA” nia rezidénsia.

Media Naval.

1º Srg. Garcia

Hera, 14 Maiu 2026

Comandante Componente Naval, Comodoro Higino Das Neves “SUPER-MAN”, akompania husi Xefe Gabinete Componente Naval simu vizita husi Eis Assesor Austrália, Mark Burton, iha Baze Naval Hera.

Objetivo husi vizita ne’e atu hametin familiaridade no relasaun di’ak entre Comando Componente Naval ho Eis Assesor Austrália Mark Burton, ne’ebé antes ne’e hala’o kna’ar hanesan assesor iha Baze Naval Hera.

Media Naval.

1° Srg. Garcia

Grt. Carla