Representante Comando Componente Naval Ensera Formasaun Pdhj Kona Ba Knaar F-FDTL No Direitus Humanus Iha Baze Naval Hera

Hera,8 Maio 2026

Representante Comando Componente Naval Segundo Comandante Componente Naval Capitão Fragata Graduado Nicolau Sousa Guterres,hamutuk ho Adjunta Provedor Direitus Humanus no Justisa ONU Iha Timor-Leste, Ensera Formasaun ne’ebe realiza husi PDHJ Kona ba "KNA'AR F-FDTL NO DIREITU HUMANU" durante loron lima (5) iha baze Naval Hera.

Representante Comando Componente Naval Capitão Fragata Graduado Nicolau Sousa Guterres, hato’o agradese no apresia tebes ba apoio tomak,liu-liu Women Rice no Representante Assesoria ONU iha Timor-Leste.

Militar sira ne’ebe halo servisu hodi bele halao nia kna’ar, kumprimentu misaun Ida hodi bele kompriende diveres sira atu respeita ema nia moris kona ba Direitus Humanus nian.

Representante Comando Naval mos apresia tebes ba Provedor Direitus Humanus no Justisa (PDHJ),ba kontribuisaun tomak ne’ebe apoio direitamente ba iha formasaun ne’e no kontribui mos kriasaun manual no prosedimento operasionais, hodi fasilita militar sira hanesan mos autoridade sira seluk. Comando Naval mos husu ba militar sira ne’ebe tuir formasaun durante Loron lima(5)hodi bele kumpri misaun no nafatin respeita ba lei Direitus Humanus nian hodi bele kompriende liu tan kona ba Ita nia diveres rasik.Militar mak sai hanesan orgaun no protetor ba diretus Humanus no ba estado nian no mos sai profesionalmente ba Ita nia instituisaun rasik,ho formasaun hirak ne atu kontribui no desenvolve individual ba iha Ita nia instituisaun rasik.

Alende ne’e mos Adjunta Provedor Direitus Humanus no Justisa Maria Marilia Olivia Da Costa,hateten treinamentu Laos deit prense numeru deit maibe komprimisio Ida ne’ebe maka instituisaun rua hanesan F-FDTLno PDHJ ne’ebe durante nee fo formasaun ba Ita boot sira hodi garante Ita boot sira nia servisu ne’ebe maka hare liu ba iha area Forsa , liu-liu hare ba Direitus Humanus nian kontinua ho Ita boot sira nia kna’ar hodi servi ba nasaun. Agradese ba Comando F-FDTL ne’ebe fo konfiansa tomak ba PDHJ hodi fahe matenek ba Componente Naval ba formado sira Durante Loron lima(5)liu husi Disciplina militar. Durante Ita iha faze no siklu 21 ne’ebe maka hare liu ba iha era digital, komunikasaun, desafio, desastre klimatika, Direitus Humanus genero no protesaun Ambiental. Iha treinamentu Ida ne’e koalia liu kona ba Kna’ar F-FDTL iha artigu 146 ne’ebe maka hare liu-liu ba forsa defesa iha nia misaun atu garante Independensia Nasional Integridade Territorio no liberdade seguransa liu-liu ba iha populasaun nian.Maibe poder boot mai husi responsabilidade boot uja Forsa tuir lei no tuir prinsipiu humanidade nian.

Iha formasaun ne’e partisipa husi Segundo Comandante Componente Naval, Adjunta Provedor Direitus Humanus no Justisa , Asseoria Diretus Humanus ONU iha Timor-Leste, Comandante Unidades no Membru militar Componente Naval.

Media Naval.

1° Srg. Garcia

Grt. Carla