Xefe Estadu Maior Jenerál F-FDTL Partisipa Iha Serimónia Aniversáriu Polisia Militár (PM) Nian Bá Dala-21 No Mahein Saudozu Venansio Feras Bá Dala-2
Dili, 17 Janeiru 2026
Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek partisipa iha serimónia Aniversáriu Unidade Polísia Militár (PM) bá dala-21 no mahein saudozu Venansio Ramos Amaral "Feras" bá Tinan 2, iha Kuartel Unidade polisia Militár Kintal bo’ot,Dili.
Iha diskursu Xefe Estadu Maior Jenerál F-FDTL Tenente Jenerál Domingos Raúl "Falur Rate Laek" hateten, ohin dia 17 de Janeiru tinan 2026 ita selebra aniversáriu serimónia Polísia Militár (PM) bá dala-21 no marku duplu iha instituisaun F-FDTL nia istória.
"Ohin ita selebra Aniversáriu Polísia Militár bá dala 21 no konsagrasaun Mahein PM Saudozu Venansio Ramos Amaral "Feras"nia esplika.
Nia informa, Data ida ne’e la’os deit iha kalendariu Militár, maibé ida ne’e momentu afirmasaun bá maturidade unidade ida ne’e nian.
"haree bá dalan ne’ebé ita la’o ona, ita haree esforsu ne’ebé klaru atu dezenvolve kapasidade rekursu humanu liu husi formasaun ezizente no reguroju", nia deklara.
Nia hatutan, Investimentu ida ne’e iha kapital umanu akompanha Komprimisiu ne’ebé metin atu dezenvolve no hadia rekursu no infraestrutra sira, setor esensial sira bá modernizasaun Forsas Armadas nian.
Validade investimentu ida ne’e, iha ema no iha ademi premite Polisia Militár hatudu abilidade lideransia organizasaun planeamentu ne’ebé forte, evolusaun ida ne’e nia rezultadu vijivel no labele nega, konsolidasasaun Polisia Militár nu’udar unidade refrensia la’os deit F-FDTL maibé mós Instituisaun sira seluk ne’ebé nia iha relasaun servisu hamutuk.
"Polisia Militár sira, ita bo’ot sira nia misaun enkarna iha siensia husi autoridade moral Forsas Armadas nian, liu husi forsa sira tenke hametin padraun aas kona-ba disiplina, portunidade no kapasidade opresional", nia Informa
Nia relata, Disiplina mak desesivu hodi harii klima konfian-sá estabilidade no seguransa ne’ebé mak populasaun sira hare.
"Ita nia populasaun sira nem komportamentu diak iha atuasaun hotu-hotu, ida ne’e tenke kopera iha pessoal Polisia Militár nia profil ne’ebé ita selebra iha nee", nia koalia.
Nia hatete, Militár ida ne’ebé disiplinado edukado no respetadu, profisional ida ne’ebé franku no leal ho sentidu misaun no dever ne’ebé a’as, aumenta espritu sakrifisiu ne’ebé bo’ot tebes no vontade atu servi ho diak.
"Haree bá parada ne’ebé forma iha ne’e, justu atu konese publikamente ita bo’ot sira nia esforsu no servisu ne’ebé ita bo’ot sira presta ona tenke konsidera hanesan meritu no distitisaun, kontinua ezemplu moral no disiplina bá ita no Forsas Armadas sira hotu, kontinua servisu bá ita nia Nasaun Timor-Leste legalidade no regou", nia konklui
Iha fatin hanesan,Komandante Unidade Polísia Militár (PM), Tenente Coronel Graduadu Mateus de Jesus informa, komemorasaun Aniversáriu Unidade Polísia Militár nian bá dala-21 no Patronu PM Saudozu Venansio Ramos Amaral "Feras" bá dala rua marka istória bá Instituisaun F-FDTL.
" Ita nia Unidade Polisia Militár hahu nia moris iha tinan 2005 ho efetivu pelotaun ida, maibé asumi nu’udar guarda disiplina bá autoridade Militár tuir konstituisaun lei ne’ebé vigora iha ita nia rai doben Timor-Leste,"nia Informa.
Nia hatutan, Atividade Pilisia Militár tenke bazeia bá legalidade profesionalidade no respeita bá diginidade humana ho utilizasaun polisia hanesan ultimo rekursu prinsipiu.
Nia salenta, Polisia Militár la’os deit responsavel no hapara infrasaun disiplinar maibé iha mós kompetensia atu grante seguransa instalasaun militár halo investigasaun bá krime ou poru militár kolabora ho autoridade sivil situasaun krize no emerjensia hodi halo servisu ida ho diginidade, membru Polisia Militár tenke iha padraun konduta ho disiplina ne’ebé a’as liu no tenke sai hanesan ezemplu bá militár hotu-hotu iha F-FDTL.
Ekipa Media F-FDTL
