NOTISIA

Enseramentu Workshop Kona-Bá Intelijénsia Artifisiál (IA)

Media F-FDTL QG Notisia 27 de julho de 2026 Hare na'in: 8 0 minutes read

Kuartél Jenerál F-FDTL, 23 Jullu 2026

Reprezentante Xefe Estadu Maior FALINTIL–Forsa Defeza Timor-Leste (F-FDTL), atuál Xefe Planeamentu F-FDTL, Tenente Koronel Yoseph Taek, ofisialmente taka Workshop kona-bá Intelijénsia Artifisiál (IA), ne'ebé realiza iha Salaun Kuartél Jenerál F-FDTL, Fatuhada, Dili.

Workshop ida-ne'e organiza husi Seksaun Jénero F-FDTL, ne'ebé lidera husi Kapitaun Marquita da Cunha, hamutuk ho parseiru internasionál sira, hanesan UN Women, Governu Kanada, no For All Women and Girls, ho objetivu hasa'e koñesimentu pesoál F-FDTL kona-bá utilizasaun Intelijénsia Artifisiál (IA) atu apoiu avansu iha área Feto, Pás no Seguransa (Women, Peace and Security), liuhusi resposta sivil-militár bá dezastre naturál no manutensaun pás.

Iha diskursu enseramentu nian, Tenente Koronel Yoseph Taek hateten katak koñesimentu no kapasidade kona-bá Intelijénsia Artifisiál importante tebes atu apoiu dezenvolvimentu institusionál F-FDTL no hasa'e efisiénsia servisu, liuliu iha área planeamentu, resposta bá emerjénsia, no kooperasaun sivil-militár.

Antes enseramentu workshop ne'e, atividade ida-ne'e loke ofisialmente husi Xefe Estadu Maior FALINTIL–Forsa Defeza Timor-Leste, Brigadeiru Jenerál José da Costa Soares "Trix".

Media F-FDTL

Foto Izidor Lopes