Estudante Na'in-19 Frekuenta Ona Kursu Nivél-V Iha ELTF Metinaro

Metinaro, 23 Abril 2025

 

Membru FALINTIL-Forsa Defeza Timor-Leste hamutuk na'in-19, frekuenta ona kursu Lian Inglesh nivél-V iha English Language training Facility (ELTF) Metinaro, membru hirak ne'e kompostu husi Componente Naval na'in-10, Komponente Forsa Terrestre na'in-1 inklui Forsa Apoiu Jerál na'in-8.

 

Iha enseramentu ne'e reprezentante Xefe Estaadu Maior Jenerál F-FDTL, Xefe Gabinete CEMGFA Koronel Marcelino Ximenes "RIZAI", hatete agradese bá kooperasaun Defence Corporation Program Timor-Leste (DCPTL) nian ne'ebé promove ona militár iha lian Englesh.

 

"Ha'u husu bá graduadus sira ne'ebé ohin gradua ona, atu reviu fali materia hirak ne'ebé sira aprende liu ona, atu tau nafatin iha hanoin no bele dezemvolve kuñesementu no abilidade hirak ne'e, nune'e wain hira fila ba ida-ida nia Componente no Unidade atu aplika nafatin buat hirak ne'ebé imi aprende ona, laos iha lian Englesh de'it maibé imi mós aprende disiplina servisu nian no kultura Militár nian. Tamba nee nafatin hatudu no dezemvolve aan iha ita boot sira nia servisu fatin nomós iha sosiadade nia let".

 

Partisipa iha serimónia ne'e maka hanesan, Reprejentante Xefe Estadu Maior Jenerál F-FDTL atuál Xefe Gabinete CEMGFA Koronel 'RIZAI' Reprezentante husi DCPTL Komandante Brigette Jensen, Komandante CICNL Tenente Koronel Eugénio Guterres 'TOFA', Reprejentante Komandante Komponente no Unidades sira inklui Ofisiais Sarjentu no Prasas F-FDTL.

 

Média F-FDTL

Alferes Doni Martins