F-FDTL Simu Apoiu Botas Rihun Ida Husi Forsa Armada Austrália
Dili Metinaro, 23 Janeiru 2025.
FALINTIL-Forsa defeza Timor-Leste, liu husi Xefe Estadu Maior Jenerál F-FDTL, Tenente Jenerál Domingos Raúl "FALUR RATE LAEK" ho estrutura simu botas rihun ida husi Forsa Austrália.
"Ohin ita mai iha ne’e, asiste momentu istóriku dala ida tan hodi apoiu ne’ebé forsa Austrália entrega mai ita, botas sira ne’e serve duni ba membru F-FDTL atu uza no apoiu ida ne’e iha signifikadu boot entre Forsa Timor-Leste ho Forsa Australia hodi hametin liután relasaun entre nasaun rua".
Durante dezemvolvimentu Forsa Defeza hahú husi Aileu mai Metinaro to’o ohin loron sira sempre akompaña ita-nia dezenvolvimentu Forsa nian Austrália nu’udar parseiru estratéjiku ida ba Timor-Leste tán ne’e husu Austrália kontinua apoiu F-FDTL nune’e ita mós la haluha ba governu Austrália nia apoiu sira, Alienede ne’e ita mós la haluha nasaun parseiru sira seluk hanesan Japaun, Portugal no Korea ne’ebé mak durante apoiu makas F-FDTL iha treinamentu hodi dezenvolve F-FDTL sai Forsa ne’ebé profisionál, hakotu CEMGFA.
Iha sikun seluk, Adidu Defeza Austrália Kapitaun Mar e Gerra Matthew Richardson, hateten, ondra boot ba nia reprezenta Governu Austrália hodi entrega Botas ba Forsa Armada Timor-Leste.
"Ohin ita mai iha Sentru Instrusaun Metinaro hodi entrega apoia ne’ebé Forsa Armada Austrália fó ba FFDTL, botas ne’ebé apoiu ne’e ho kualidade di’ak tebes ne’ebé Forsa Austrália mane no feto uza ba servisu no ezersiaiu”.
Australia kompromete sei apoia nafatin Timor-Leste iha kualker setór liuliu ba Forsa Armada Timor-Leste nian atu bele dezenvolve di’ak liu tán, hatoku nia.
Média F-FDTL
