Instituisaun F-FDTL Simu Motorizada Ualu Husi Kompañia Fortune Star

Kuartel Jenerál, 04 Marsu 2025

 

Instituisaun FALINTIL Forsa Defeza Timor-Leste (F-FDTL), simu motorizada ualu 8 husi kompañia Timor Oan FORTUNE STAR oferese bá instituisaun F-FDTL hodi utiliza atividade servisu nian.

 

Iha intervista Xefe Estadu Maior FALINTIL-Forsa Defesa Timor-Leste (F-FDTL) Brigadeiru Jenerál José da Costa Soares "TRIX", hatete, lori instituisaun nia naran hakarak hato'o agradese no obrigadu wain bá kompañia FORTUNE STAR apoiu bá kondisoens ne'ebé mak ami infrenta, motor sira ne'e Instituisaun F-FDTL simu gratuita neʼebé mak ita nia emprejariu timor oan sira oferese bá ita hodi fasilita bá servisu Forsas Armadas nian.

 

Iha fatin hanesan Diretór kompañia FORTUNE STAR Sr. Kenneth Lay hateten, hanesan timor oan ami hakarak apoiu motor unidade ualu ne'e hodi apoiu forsa bele servisu ho di'ak, ida ne'e ami entrega ho laran bá forsa bele uza.

 

"Ami rona iha ita nia forsa enfrenta itoan bá transporte tanba ne'e ami hakarak apoiu ho gratuita motor unidade ualu bá Instituisaun F-FDTL, ida ne'e sasan itoan maibé, espera bele ajuda netik ita nia forsa sira". kuatel Jenerál Fatuhada Dili, 04 Marsu 2024.

 

Motorizada ne'ebé maka Kompania Fortune Star, Timor Safari, Star King, no Eastern Star Motor (ESM) oferese motor ualu 8 ho tipo Yamaha WR rua (2) no Yamaha XTZ Neen (6) no kapasete Ualu 8 ba Instituisaun F-FDTL.

 

Média F-FDTL