Komponente Aéreo F-FDTL Selebra Aniversáriu Bá Dala-V

Baucau, 23 Juñu 2026

FALINTIL-Forsa Defesa Timor-Leste (F-FDTL) Komponente Aéreo selebra nia aniversáriu bá dala 5, iha baze Komponente Aéreo ne'ebé lokaliza iha Aeroporto Lanud Baucau.

Serimónia ne’e partisipa husi Vise Xefe Estadu Maior Jenerál F-FDTL Major Jenerál Calisto Santos Coliati, ne’ebé hato’o kondolénsia bá saudozu eis Prezidente Repúblika Dr. Francisco Guterres 'Lú-Olo' antes hato’o parabéns bá Komponente Aéreo.

Iha nia diskursu, nia subliña katak aniversáriu ne’e iha signifikadu importante bá Forsas Armadas no Estadu Timor-Leste, tanba reprezenta kapasidade Militár, dedikasaun, disiplina no sakrifísiu atu defende soberania Nasaun nian. Nia mós dehan katak selebrasaun ne’e fó omenajen bá ema sira ne’ebé kontribui bá kriasaun no konsolidasaun Komponente Aéreo hanesan pilar importante ida bá modernizasaun F-FDTL.

Iha fatin hanesan Komandante Komponente Aéreo F-FDTL Koronel Helder da Costa, hateten katak aniversáriu bá dala lima ne’e hanesan priviléjiu no onra bo’ot ida bá membru sira hotu tanba marka estabelesimentu Komponente Aéreo iha instituisaun F-FDTL.

Partisipa iha serimónia ida ne’e mak hanesan, Vise Xefe Estadu Maior Jenerál F-FDTL Major Jenerál Calisto Santos Coliati, Major Jenerál Aluc Descartes, Reprejentante Prezidente Autoridade Munisípiu Baucau, Chief Security Cooperation Division (J55) US Indo-Pasific Command David P. Jensen husi Estadus Unidus Amerika, Adjunto Xefe Estadu Maior F-FDTL Koronel Tirosionado BERSAMA, Adido Defesa Amerika, China, Austrália,Indonésia no Portugal, Veteranus, reprejentante Komandante Komponente no Unidade, PNTL Munisípiu Baucau, ANATL, Timor Gap, Ofisiais Sarjento no Prasas inklui AFAMA husi Komponente Aéreo.

Ekipa Média F-FDTL

Emiliana Mendonça