LORON IKUS EKIPA REKOÑESEMENTU BA FATIN FUTURU KONTRUI POSTU FOUN TOLU IHA RAEOA

Oe-Cusse 19 Novembru 2025

 

(Média F-FDTL), Kuarta-Feira dia 19 Fulan novembru tinan 2025 loron ikus ba Ekipa FALINTIL- Forsa Defeza Timor-Leste (F-FDTL) ne'ebé Komanda Husi Major Victor Marçal hanesan Xefe Ekipa atual hanesan adjuntu Divizaun operasaun, akonpaña husi Postu destakadu Sikone ne'ebé komanda husi Tenente Egidio de Jesus akompaña mós husi Autoriedade Postu Administrativu (APA) Nitibe Agostinho Afulit kontinua halo rekoñesementu bá fatin konstrui postu destakadu foun iha Fronteira Rejiaun Admistrativa Espesiál Oé-cusse Ambeno (RAEOA).

 

Fatin ne'ebé ekipa identifika atu konstrui Postu destakadu Provizoriu, ida maka iha aldeia Manan Suku Bene-Ufe postu administrativa Nitibe Munisípiu Oe-Cusse.

depois de ida ne'e Ekipa mós kontinua ba halo rekoñesementu ba fatin postu destakadu permanente iha Bairo Bitila Aldeia Manan Suku Bene-Ufe Postu Administrativa Nitibe Munisípiu Oe-Cusse.

 

Nune'e tuir planu komandu nian sei konstrui postu permanente foun tolu iha RAEOA hodi nune'e F-FDTL bele hakbesik liu Komunidade iha área Fronteira tamba F-FDTL lahaluha nia tema katak povu maka bé no FALINTIL-FDTL maka ikan.

 

Ekipa Média F-FDTL

J. Silva