Membru F-FDTL Nain 41 Termina Kursu Programa Lian Inglesh Nivel 5 No 6 Iha ELTF Metinaru
Metinaro 23 Abríl 2026
Membru FALINTIL-Forsa Defeza Timor-Leste (F-FDTL) nain -41 termina ona programa kursus lian inglesh nivel 5 no 6 iha English Languange Training Facility (ELTF) Metinaru iha serimónia ne'e Asistente Adido Defeza Autralianu Tenente Coronel Philip But Hateten lian Inglesh mak lian ofisial ba ASEAN, parseria entre F-FDTL no DCP hodi fornese Programa Lian Inglesh sai baze importante ba partisipasaun Timor-Leste iha inisiativa ASEAN sira.
"Iha save pilár importante ida iha ASEAN nian mak, membru sira tenke dezenvolve kooperasaun iha edukasaun no aprendizajen durante moris tomak atu hametin komunidade ASEAN. Ita bele haree ida ne'e loroloron iha kampus lima ne'ebé halo parte husi Programa Lian Inglesh." Hateten Asistente Adido Defeza Australianu Tenente Coronel Philip But Iha nia Diskursu Iha Metinaro"
Tenente Coronel Philip But Afirma Programa Lian Inglesh sai ezemplu klaru ida kona-ba saida mak bele hetan bainhira F-FDTL no DCP - Timor Leste servisu hamutuk ho objetivu ida de'it.
"Di'ak tebes atu haree militar Timor-oan no Austrália servisu hamutuk, fahe sira-nia paixaun atu dezenvolve lian Inglesh. Parseria ida ne'e hala'o ona tinan rua-nulu resin ona no tinan ida ne'e, soldadu F-FDTL Timor-oan sira sei viajen ba kursu internasional sira, uza sira-nia abilidade lian Inglesh iha konferensia Nasoens Unidas, kursu engeñaria, maritimu, Defence International Training Centre, no kursu promosaun iha Austrália."Hateten Philip Butt Iha Metinaro"
Asistente Adido Defeza Autralianu Afirma Agora daudaun, iha soldadu Timor-oan nain neen ne'ebé estuda iha Royal Military Duntroon, númeru boot liu hotu Sira hotu ne'e mak graduadu husi College Programa Lian Ingles DCP-TL orgullu atu suporta Programa Lian Inglesh F-FDTL iha Exérsitu, Mariña no Força Aérea.
"Iha tinan ida ne'e mos, Autoridade Nasionál Marítima husu DCP-TL atu fornese treinamentu lian Inglesh ba sira-nia pessoal. Hau kontente atu anúnsia katak treinamentu ne'e sei hahú semana oin, no sei hala'o to'o Dezembru." nia reafirma.
Programa Lian Inglesh iha Metinaro halo ona Maintenance Clinic atu ajuda pessoal kontinua dezenvolve sira-nia lian Inglesh, Programa ida ne'e úniku, no Timor-Leste mak nasaun ida de'it iha programa DCP neʼebé investe iha dezenvolvimentu lian Inglesh liu husi sala aula.
"Loron ohin, ita selebra estudante nain 11 ne'ebé remata Level Sinku (5) iha Metinaro, nain 14 ne'ebé remata Level Seis (6) iha Metinaro, no nain 12 ne'ebé remata Level Sinku (5) iha Hera, Austrália kontinua kompromete atu suporta F-FDTL no Ministériu Defeza atu buka oportunidade atu aprende lian Inglesh iha Timor no rai liur. Agora daudaun, DCP suporta besik ema 100 atu aprende lian Inglesh part-time iha LELL" haktuir nia.
Reperejenta xefe Estadu Maior Jenerál FALINTIL-FDTL hato'o agradesimentu wain ba apoiu sira ne'ebé oferece husi Forsa Defeza Australia nian liu husi DCP-Australia ba iha programa no atividade treinamentu lian Inglesh nian, partikularmente agradece wain ba Oficial Komandu Major Andrew.
Coronel Guido De Oliveira "Kuitado" Hateten dadaun ne'e estudante hamutuk 97 pessoas maka frekuenta hela kursu lian Inglesh iha Metinaro Portantu, husi numeru ne'e, estudante 37 pessoas maka gradua iha termu ida ne'e. No estudante graduadu sira ne'e kompostu husi 11 pessoas iha nivél 5 no estudante 14 pessoas husi nivél 6, inklui estudantes 12 pessoas iha nivél 5 ne'ebe mai husi Komponente Naval nian.
"Numeru sira ne'ebe deskreve iha leten ne'e la'os deit estatistika, maibe reprezenta esforsu, disiplina, korajen no vontade diak hodi hadia ka kapasita a'an. Processu no progresu treinamentu kona ba lian Inglesh nian iha termu ida ne'e lao diak teb-tebes liu husi kooperasaun ne'ebé forte no esforsu koletivu oi-oin entre DCP-Australia no FALINTIL-FDTL. Bele dehan DCP-Australia nudar parseiru importante ida ne'ebé fó kontribuisaun makás ba fortalesimentu programa treinamentu lian Inglesh nian no loke oportunidades barak ba membru FALINTIL-FDTL sira." Hateten Coronel Guido De Oliveira "Kuitado".
Coronel Guido De Oliveira Haktuir Tan Katak futuramente sei realiza tan kursu lian Inglesh iha klase avanxadu iha nivél séte (7º) iha turnu sira tuir mai ho objetivu atu bele hasa'e kapasidade estudante ka membru militár sira nian hodi responde diak liu-tan ba treinamentu no kursu iha nivél internasionál sira iha diaspora.
"Para além de ida ne'e, iha termu tuir mai mós sei estabelese programa kona ba treinamentu professores nian. Programa ida ne'e ho objetivu, atu produse professores foun hodi nune'e bele responde ba iha faltas ba manorin nain sira Atividade treinamentu ba professores ida ne'e nudar passu importante ida atu hari kapasidade interna hodi garante sustentabilidade ba programa treinamentu nian. "Kuitado Tenik"
Coronel Kuitado Haktuir Tan Katak FALINTIL-FDTL hakarak haluan liu tan acesu la'os deit ba kursu iha âmbitu militár nian hanesan RMC, maibé mós ba edukasaun akadémika ho nivél ne'ebé as liu ka avansadu hanesan eskola akadémia Australia nian ka ita bolu dehan ADFA, ne'ebé maka kada tinan sempre halao iha AustraliaHanoin katak, partisipasaun iha programa sira hanesan ne'e sei fó kontribuisaun makás ba desemvolvimentu tempu naruk FALINTIL-FDTL.
Coronel Kuitado parabeniza ba membru ne'ebé tuir formasaun lian English ho Sucessu ida ne'ebé maka, mai husi esforsu maka'as ho perservasaun. Ida ne'e laos rohan, maibé hahú dalan ba responsabilidade no oportunidade foun ne'ebé sei mai. Hein no fiar metin katak, Lian ne'ebé maka ita-bo'ot sira aprende ona sei fő benefísiu konkreta iha futuru mai. "Remata".
Reperejenta Formando lian inglesh Agradese ba parte hotu tanba lideransa forte no apoiu ne’ebé la mosu. orientasaun ajuda atu kontinua konsentra no komitidu durante kursu tomak.
"Ba ita nia profesór sira, obrigadu barak ba pasiénsia, dedikasaun no orientasaun profisionál. Ho ita nia ajuda, ami bele supera dezafiu, aprende husi sala sira, no kontinua mellora ami nia kompeténsia, Ba kolega graduadu sira hotu, ita liu husi dezafiu barak no tempu estudu ne’ebé metin, maibé ita nafatin hamutuk no iha determinasaun. Ohin loron, ita selebra la’ós de’it susesu, maibé mós servisu hamutuk, disiplina no motivasaun ne’ebé ita fahe durante prosesu tomak, Graduasaun la’ós remata maibé inísiu ba responsabilidade foun. Ita tenke kontinua prátika no fortaleze ita nia kompeténsia Inglesh, iha fatin servisu ne’ebé ita bá. Remata
Média F-FDTL
J' Silva
