NOTISIA

Membru F-FDTL Nain-6 Okupa Kargu Sefia Iha Ministériu Defeza

Media F-FDTL QG Notisia 15 de julho de 2026 Hare na'in: 12 0 minutes read

Kuartél Jenerál, 13 Juñu 2026

Governu liu husi Ministériu Defeza ne'ebé lideradu husi Ministru Defeza Contra Almirante Donaciano Costa Gomes "Pedro Klamar Fuik" hamutuk ho Prezidente Comissão da Função Publíca( CFP-sigla Português) ne'ebé lidera husi Agostinho Letêncio de Deus fó Tomada de posse bá membru F-FDTL nain-6 hodi okupa kargu importante sira iha Munistériu Defeza.

Membru hira ne’e maka hanesan, Koronel Armindo Nunes asume kargu nu’udar Diretór Nasionál de Orientação da Polítika de Defesa Nasionál, Koronel Guido de Oliveira hanesan Diretór Nasionál de Saúde Militár no Assuntos Sosiais, Tenente Koronel Valério Valente hanesan Diretór Nasionál de Polítika de Defesa Nasionál, Tenente Koronel Laurentino Gusmão “Mau Ular” Hanesan Chefe de Departamento de Planeamento Militár iha MD, Major Ricardo Barros hanesan Diretór Nasionál dos Recursos, Equipamentos e Materiais da Defesa, Major José Pinto hanesan Diretór do Ensino Treino e Formação, Sr. Pedro Soares hanesan Chefe do Departamento de Gestão Estratégika.

Husi tomada de posse ne'e bazeia bá informasaun ne’ebé aprezenta iha karta ofisiál, referénsia 330/G-MD/VI/2026, husi Ministériu Defeza, ne’ebé husu bá CFP atu prosede ho nomeasaun okupante sira bá pozisaun jestaun no xefia iha estrutura instituisaun nia laran. Konsidera katak iha artigu 212 Estatutu Militár F-FDTL nian, ne’ebé fó dalan atu nomeia pesoál Militár sira hodi hala’o kna’ar iha servisu no gabinete sira iha Ministériu Defeza nian.

Iha nomeasaun bá substituisaun iha períodu ho másimu fulan 6, ne’ebé bele prolonga bá períodu tuir termu sira iha Artigu 19 husi Dekretu-Lei 25/2016, loron 29 Juñu, no ninia alterasaun ne’ebé halo husi Dekretu-Lei 7/2024, loron 24 Janeiru.

Partisipa iha Serimónia Tomada de posse ne’e mak hanesan Ministru Defeza Contra Almirante Donaciano Costa Gomes "Pedro Klamar Fuik", Xefe Estadu Maior Jenerál Forsas Armadas Tenente Jenerál Falur Rate Laek, Prezidente CFP Sr. Agostinho Letêncio de Deus, Diretór IND Empozadu sira, Komandante Komponente no Unidade, xefe Divizaun inklui mós Funsioariu sira husi Ministériu Defeza.

Media F-FDTL