MEMBRU F-FDTL TERMINA EZERSÍSIU BKA 2025 IHA INDONÉSIA
Indonésia, 30 Outubro 2025
Membru FALINTIL- Forsa Defeza Timor-Leste (F-FDTL), ne'ebé komanda husi Tenente Koronel Valerio Valente ho ekipa termina ona Ezersísiu Bhakti Kanyini Ausindo 2025, ne’ebé realiza durante semana rua iha Indonésia.
Iha serimónia enseramentu ne’e partisipa direita husi Brigadeiro Jenerál Dean Thompson, Xefe D3 ADF, Administradór Lebak, Bigden Edy Saputra, Administradór Bayah, Kapolda Bayah, Autoridade no populasaun sira ne’ebé hela besik iha fatin treinamentu ne'e.
Iha biban ne’e mós organizasaun artemarsiais pajajaran halo atrasaun, no diskursu badak husi komandante korem no ADF.
Ezersísiu Bhakti Kanyini Ausindo ne’e hanesan Ezersísiu bilaterál ne'ebé harii iha tinan 2024, husi Nasaun Austrália no Indonésia, dadaun ne'e ezersísiu hala'o bá segunda faze F-FDTL mós hetan partisipasaun iha ezersísiu ne'e, akompaña direita husi Defence Coorperation Program Austrália (DCP) iha Timor-Leste.
Objetivu husi Ezersísiu ne’e atu Hametin liu tan relasaun diak entre Nasaun haat 4.
Durante ezersísiu ne'e Foka liu bá iha asisténsia Umanitária no dezastre naturais. Iha âmbitu enseramentu ne'e distribui mós nesesidade baziku bá komunidade sira.
Média F-FDTL
Dircia Gama
