Membru Falintil-FDTL Husi Kuartel Jenerál Halo Ezersísiu Marsa Forsada Husi Nasuta To Tasi Tolu
Likisa, 19 Dezembru 2024
Membru FALINTIL- Forsa Defeza Timor-Leste (F-FDTL) husi Kuartel Jenerál ohin realija ezersísiu Marsa Forsada ‘Lao Ain’ husi Nasuta Suku Tibar, Postu Administrativu Bazartete, Munisípiu Likisa remata iha Tasi Tolu, Dili.
Iha intervista Xefe Operasaun FALINTIL-Forsa Defeza Timor-Leste (F-FDTL) Koronel João da Costa Esteves hatete, F-FDTL husi Kuartel Jenerál realiza Ezersísiu Marsa forsada ida ne’e husi Nasuta to Tasi Tolu.
"Ohin ami halo marsa Forsada husi Nasuta to’o iha kuartel ne’e hanesan programa ida ne’ebé tama iha treinamentu operasionál matrix anual nian." dehan Xefe Operasaun FALINTIL-Forsa Defeza Timor-Leste (F-FDTL) Koronel João da Costa Esteves.
"Marsa Forsada ne’e la’os kuartel Jenerál mak halo maibé kada Komponente no Unidade sira hotu iha programa rasik inklui mós ezersísiu sira seluk ne’ebé ita hahu iha fulan Janeiru to fimdo ano ida nee.
Marsa ne’e ho nia objetivu atu koko psikologikamente bá Forsas Armadas hothotu no bá individualmente no hare mós bá espiritu korpu no espiritu kamaradajen bá militár hothotu ne’ebé halo marsa nomós Ezersísiu sira séluk.
"Marsa Forsada ida ne’e komandu bele halo avaliasaun katak militár sira ne’e iha forte moral no tenke iha espiritu kamaradajen no espírito korpu ka lae, bele mós sukat saúde militár idak-idak nian atu nune’e bele halo protidaun operasionál nian bá militár ida ne’ebé mak hola parta hanesan area Defeza fizikamente ladun garabtaidu, mas oinsá nia bele asegura ninia misaun ne’ebé mak konsagra iha artigu 146, tanba ne’e mak presiza hare ita nia forsa sira nia fizikamente no moralmente fó protidaun operasionál bá ita nia militár hothotu."
Ohin Membru FALINTIL-Forsa Defeza Timor-Leste (F-FDTL) hamutuk atus ida resin mak hola parte iha Ezersísiu Marsa Forsada ida ne’e bá oin efetivu sei liu ida ne’e, alende ne’e iha Marsa Forsada ida ne’e hetan seguransa husi Unidade Polisia Militár (PM) no seksaun ida unidade Apoiu Kuartel Jenerál. remata
Media F-FDTL
