Militár F-FDTL Nain-3 Termina Ona Formasaun Protokolu Nivel-II Iha CEFTEC

Díli, 30 Juñu 2026

Membru FALINTIL-Forsa Defeza Timor-Leste (F-FDTL) Nain-3, kompostu Major José da Costa husi Kuartel Jenerál, Alferes Godinho husi Komponente Aéreo Ligeira no 1° Cabo Josefa husi Kuartél Jenerál, hamutuk ho formandu sira husi Instituisaun seluk ohin remata ona kursu Formasaun Relasaun Públika no Servisu Protokollu nian bá nível-II iha edifisiu konsellu Imprensa (KI) Kintal Bo'ot Dili.

Kursu Formasaun refere realiza husi Sekretariu Estadu Komunikasaun Sosiál (SEKOMS) no fasilita husi formadora sira iha Centro Formação Tecnica e Comunicação (CEFTEC-sigla Portugés)

Hafoin termina sesaun avaliasaun nian remara reprezentante husi Formadór Major José da Costa ható agradesimentu ba formadór no formadora sira ne'ebé durante ne'e fasilita ona materia kona ba Relasaun Públika no Servisu Protokollu nian.

" Ha'u agradese barak ba formadora sira ne'ebé mak durante ne'e fasilita materia protokolar nian hanesan parte ida atu hasae ami nia konesimentu oinsa atu hare liu ba servisu protokolu nian" hateten Major José.

Iha sorin seluk Formadora Maria Renata de Jesus parte nia apresia tebes ho partisipante sira nia prezensa ne'ebé maka durante aprende hamutuk no fahe koñesimentu hamutuk iha area protokolar nian.

"Formasaun ne'e importante tebes ba hotu-hotu labele para deit iha ne'e tenki iha kuntinuidade karik iha fali oportunidade seluk bele tuir atu nune'e bele amenta koñesimentu klean liu tan" haktuir formadora Renata.

Iha parte seluk Reprezentante Sekretáriu Estadu Komunikasaun Sosiál liu husi Diresaun Nasionál Formasaun Teknika aktual Xefe Departamentu Formasaun Hermes de Jesus Carvalho hateten servisu protokulu nian importante tebes ho ida ne'e Sekretáriu Estadu Komunikasaun Sosiál liu Diresaun Nasionál Formasaun Téknika kontinua fasilita formasaun iha aréa protokolu nian ba linas Ministeriais sira no mos instituisaun relevantes sira kona ba sistema protokolu nian.

"Ita labele husik Timoroan ida kotuk kuandu ita hetan vantajen ka oportunidade sira ho ida ne'e maka Sekretáriu Estadu Komunikasaun Sosiál (SEKOMS) liu husi Diresaun DNE ka Formasaun Téknika no Komunikasaun fasilita formasaun kona ba Relasaun Publika no Servisu Protokolu nian ba Instituisaun no Ministériu sira seluk tamba ita hare servisu protokolu nian ita bele halo planu diak maibé la iha Komunikasaun protokolu ne'ebé diak signifika ita nia metas ka objetivu ne'e ita la bele atinji" hateten Hermes Carvalho.

Partisipa iha formasaun ne'e kompostu husi, F-FDTL, Ministériu Desenvolvimento Habilitasaun komunitaria (MDRHC), ⁠Ministériu Koordenador dos Asuntos Ekonomikos (MCAE), Diresaun Nasionál Teras no Propriedades (DNTP), Sekretáriu Estadu Komunikasaun Sosiál (SEKOMS), Ministériu dos Transporte e Komunikasaun, Tribunal Rekursu, ⁠Ministériu Petroleo Rekursu Minerais inklui INFPM (SAMES).

Média F-FDTL

2° Sarg.Carceres / Boni Mendonça