𝐌𝐢𝐥𝐢𝐭á𝐫 𝐅-𝐅𝐃𝐓𝐋 𝐍𝐚𝐢𝐧-37 𝐓𝐞𝐫𝐦𝐢𝐧𝐚 𝐅𝐨𝐫𝐦𝐚𝐬𝐚𝐮𝐧 𝐋𝐢𝐝𝐞𝐫𝐚𝐧𝐬𝐚 𝐧𝐨 𝐈𝐠𝐮𝐚𝐥𝐢𝐝𝐚𝐝𝐞 𝐉𝐞𝐧𝐞𝐫𝐮

FALINTIL- Forsa Defeza Timor-Leste (F-FDTL), kompostu husi Componente Força Terrestre (CFT), Componente Aerea Ligeira (CAL) na’in-37 termina formasaun lideransa bazea ba igualdade jeneru nomos direitu feto iha Timor-Leste, durante loron tolu ne’ebé realiza iha salaun Tato-toty Baucau Vila Antiga.

Iha serimonia entrega Sertifikadu ne’e, representante komandu CFT, Major Nogueira Dias Quintas Laranjina husu ba militar-sira atu uza koñesemntu hirak ne'e hodi tau ba iha prátika.

“Partisipante sira aproveita ba iloron tolu ne’e maske tempu badak maibe koeñsimentu ne’ebé husi formador-sira fo sai hanesan funadamental ida bele kapasita ita-boot sira nia koñsimento kona-ba igualdade jeneru no direitu feto nian iha Timor Leste”, hateten Major Laranjina iha serimonia enseramentu ne'ebé realiza iha loron 13/02/2025.

Iha fatin hanesan Kordenador Projetu ba Feto Paz Seguransa, husi UN Women Jeremias Baptista lori ekipa agradese ba komandu F-FDTL tanba bele tau konfiansa ba sira hodi realiza atividade refere.

“Agradese ba misaun F-FDTL ne’ebe fo ona fiar mai ami atu bele fahe esperensia ida ne’e , hein katak materia sira ne’ebé ami fo bele sai hanesan referensia, nune bele dezenvolve ita nian instituisaun ida ne’e ho di'ak, iha biban ne’e ami bele hametin liu tan relasaun parseriu entre F-FDTL ho fundador NGO sira",, nia haktuir.

Formasaun refere estabelese husi F-FDTL,NGO ba Futuru, UN WOMEN, In Patnership Canada, Ministery of Gender Equality and Family inklui UK ho objetivu ida hodi fo formasaun ba feto sira kona-ba lideranasa no direitu feto nian iha Timor-Leste.

Nune militar hirak ne'e tuir formasaun durante loron tolu hahu husi loron 11 to 13 Fevereiru 2025.

 

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓