Presiza Saúde Ne'ebé Forte No Seguru, Mantein Ezersísiu Fiziku
Dili, 20 Marsu 2025.
FALINTIL-Forsa Defeza Timor-Leste (F-FDTL), liuhusi Kuartel Jenerál realiza marsa forsada hodi hasa'e kapasidade fiziku ema ida- ida nian hodi asegura saúde saudavél bá militár sira.
Iha fatin hanesan Adjuntu Xefe Estado Maior F-FDTL, Koronel Renilde Guterres Cortereal e Silva, hatete marsa forsada ne'e faz parte instrusaun militár nian buat ne'ebé relasiona ho fizika hodi halo preparasaun bá fizika mentál ninian.
"Hau husu ita bo'ot sira atu la'o no halo instrusaun, tanba ezersísiu ne'e la'os de'it tó tempu mak ita halo, normalmente militár ida-idak tenki prepara nia fiziku, atu nune'e tó tempu ita la'o karik, la'o de'it ona, sé la prepara aan mak ita la'o dalaruma bele difikulta ita nia vontade de instrusaun nian".
Sublina tán katak, la'o didi'ak la'o ho disiplina tuir orientasaun ne'ebé sira ekipa rekon fó, tanba sira mak kontaktu direitamente iha fatin ida ne'e, ezersísiu sira hanesan ne'e bazeia bá programa matrix anuál nian ne'ebé hetan ona aprovasau husi ita nia Jenerál sira.
Marsa Forsada huhú lagoa-1 Tasitolu, lao kontinua sae foho tun foho hodi termina iha João Paulo II.
Média F-FDTL
