S.E PRIMEIRO MINISTRO KAY RALA XANANA GUSMÃO DESPEDE FORSA TAREFAS KONTIJENTE APOIU UMANITÁRIA BÁ NASAUN FILIPINA
S.E PRIMEIRO MINISTRO KAY RALA XANANA GUSMÃO DESPEDE FORSA TAREFAS KONTIJENTE APOIU UMANITÁRIA BÁ NASAUN FILIPINA
Kuartel Jenerál, 11 Novembru 2025
S.E Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 halo despedida bá kontinjente Timor-Leste ne’ebé bá hala’o misaun apoiu umanitáriu iha Repúblika Filipina durante loron 20 nia laran.
Forsa Tarefas Apoiu Umanitáriu iha Filipina ne’e Komanda husi Tenente Koronel Graduadu Vitorino Soares atual hanesan Komandante Unidade Apoiu Kuartel Jenerál F-FDTL, hodi hala’o misaun solidariedade Timor-Leste nian atu hatán bá kalamidade ne’ebé akontese iha Provínsia Cebu, Repúblika Filipina.
Kontijente Timor-Leste ne’e kompostu husi membru F-FDTL na’in 120, Bombeirus na’in 20, tékniku husi Institútu Jestaun Ekipamentu na’in 4, Media 2, Pessoál Saúde na’in 6, MNEK na’in 7.
Primeiru-Ministru, Kay Rala Xanana Gusmão, husu bá kontijente sira atu hala’o servisu ho laran hodi ajuda salva povu Filipina sira-ne’ebé afetadu husi Kalamidade ne'e, ne’ebé hamosu inundasaun maka’as, no ema mate iha provínsia Cebu.
Primeiro Ministro Kay Rala Xanana Gusmão afirma tan katak, Timor-Leste nia Forsas Armadas la’ós atu halo funu de’it, maibé atu kontribui bá hametin páz no estabilidade iha rejiaun liuhusi apoiu umanitáriu.
Tanba ne’e, Forsas Armadas simu tan misaun foun ida katak, liuhusi apoiu solidariedade no umanitáriu ne’e, atu bele hametin liután relasaun entre ema ho ema iha rejiaun ida-ne’e.
Ekipa Media F-FDTL
2' Carceres
