Saudozu Segundo Sargento Sojue Halot Ona Iha Semiteriu Demokrasia Metinaro
Metinaro, 30 Junu 2025
Biografia Badak Husi Saudozu
Segundu Sarjentu Sojue de Araujo Neves
Saudozu moris iha munisipiu Dili – postu Administrativu Atauro iha suku Macadade iha loron 15 outubru 1983 ho idade 41 anos. Saudozu oan husi, Lucas de Araujo, Inan Leticia Braz de Araujo.
Saudozu husik hela fen Sabina Loy da Costa ho oan na’in tolu mak hanesan:
1. Wilson Loy da Costa Araujo Neves.
2. Teticia Loy da Costa Araujo Neves.
3. Felicia Loy da Costa Araujo Neves.
Saudozu nia nivél edukaasaun:
Hahú eskola primaria iha eskola primaria Atauro iha tinan 1998.
Escola pre - sekundaria iha eskola pre – sekundaria Atauro iha tinan 2001.
Eskola Sekundaria iha eskola ESG Publika 4 de setembru Dili iha tinan 2006.
Vida Militár:
Saudozu inkorpora F-FDTL, iha dia 22 de jullu 2009, no frekuenta kursu formasaun prasas iha CICNL ho Posto Soldado. Iha tinan 2010 saudozu koloka ba iha Komponente Forsa Terestre Kompañia Alfa nu’udar soldado atiradór. Iha tinan 2011 saudozu koloka ba fali Kompañia Bravo. Iha tinan 2018 saudozu koloka fali ba iha Komapañia Apoio de Servisu seksaun kulinária. Iha tinan 2021 saudozu koloka fali ba iha segundu Batallaun Kompañia alfa nu’udar Komandante Eskuadra.
Iha tinan 2024 saudozu koloka fali ba iha Kompañia protindaun hanesan Komandante seksaun. Iha tinan 2017 frekuenta kursu kulinária baziku iha Metinaro. Iha tinan 2019 saudozu frekuenta kursu promosaun ba kabu e promove ba primeiru kabu. Iha tinan 2020 saudozu frekuenta kursu kulinária avansadu iha Dili. Iha tinan 2024 saudozu frekuenta kursu formasaun sarjentu promove ba segundu sarjentu. Iha tinan 2025 saudozu hetan mobilizasaun husi Komando frekuenta kursu navegasaun hamutuk ho forsa Australiano iha baze Komponente Forsa Terrestre maibé seidauk remata.
Ne’e mak dedikasaun servisu ne’ebé mak saudozu hala’o ona ba rai doben no Instituisaun F-FDTL durante ninia moris tomak. saudozu nu’udar mós sarjentu ne’ebé mak di’ak ida ba maluk militares sira hotu. Maibé, iha loron 26 juñu 2025, saudozu hakotu ona ninia viagem moris iha mundu tambá hetan sofre kauza atakasaun diagnostika hemorajia serebral. Iha baze CFT Baucau.
Mate ne’e segredu maromak nian, bainhira iha ne’ebé no nia modelu oinsa, laiha ema ida mak hatene, infelizmente, Maromak bolu ona saudozu ba hamutuk ho nia, iha Nai nia kadunan Santo, tamba ne’e Instituisaun F-FDTL sente lakon tebes nia membru di’ak ida, ne’ebé hatudu ninia dedikasaun tomak no servisu ba Instituisaun no Rai Doben Timor-Leste.
To’o ba ne’e de’it, biografia badak husi saudozu Sojue de Araujo Neves. adeus, adeus saudades eternas Sojue husi familia, parentes no amigos hotu, memória husi ita boot nian iha mundu sempre lembra nafatin. Descansa Em Paz.
Media F-FDTL
Leoneto de Jesus
