Vise CEMGFA Ho CEM Observa Direita Fatin Hodi Prepara Bá Selebrasaun Aniversáriu FALINTIL Nian 20 De Agostu Iha Matebian
Baucau, 08 Jullu 2026
Komandu FALINTIL–Forsa Defeza Timor-Leste (F-FDTL), liuhusi Vise Xefe Estadu Maior Jenerál F-FDTL Major Jenerál Calisto Santos Coliati, akompaña mós husi Xefe Estadu Maior F-FDTL, Brigadeiru Jenerál José da Costa Soares "Trix", ho ekipa ida, halo observasaun direta bá fatin ne'ebé sei prepara atu realiza selebrasaun Loron 20 Agostu, aniversáriu FALINTIL bá dala-51, tuir planu ne'ebé sei realiza iha Postu Administrativu Matebian Munisípiu Baucau.
Relasiona ho komemorasaun Loron FALINTIL bá dala-51, ne'ebé sei selebra iha 20 Agostu tinan ida-ne'e, Komandu F-FDTL halo rekoñesimentu iha área Suku Abu, Aldeia Kairedo, Postu Administrativu Matebian, Munisípiu Baucau.
Objetivu husi rekoñesimentu ida-ne'e mak atu halo observasaun direta bá kondisaun tereñu nian molok realiza serimónia ofisiál refere.
Antes ne'e, iha loron 04 Jullu 2026, ekipa ida husi Komponente Terrestre (CT), hamutuk ho ekipa husi Kuartel Jenerál (QG), halo ona primeiru rekoñesimentu iha fatin refere hodi asegura preparasaun bá eventu ne'e lao tuir planu.
Media F-FDTL / Foto: Sarmento
