Xefe Estadu Maior Jenerál F-FDTL Hamutuk Ho Telkomcel Lansa Fatuk Dahuluk Bá Turismu Istóriku Guerilla Loihunu-Ossu

Ossu, 09 Jullu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, hamutuk ho Fundasaun Falur Rate Laek nomós operador telekomunikasaun Telkomcel lansa fatuk dahuluk bá konstrusaun fatin turismu istóriku no gerilla iha Loi-Hunu, Postu Administrativu Ossu, Munisípiu Viqueque.

Iha intervensaun Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hateten, ohin hili fatin ida ne’e tamba konsidera fatin ne’e mós sai hanesan istóriku ida bá Timor-Leste durante prosesu ukun a’an ho nune’e hodi hari fatin istóriku gerilla hodi hanoin hikas istória durante tinan rua nulu resin ha’at nia laran (24).

Partisipa iha serimónia lansamentu ne’e fatuk dahuluk ne’e mak hanesan, Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, Prezidente Autoridade Munisípiu Viqueque, Ekipa husi Operador Telkomcel, Komandante Komponentes no Unidades F-FDTL, Komandante PNTL Munisípiu Viqueque, Veteranus, Autoridade Lokal nomós komunidade sira iha Ossu.

Ekipa Media F-FDTL

Sargento Garcia

Hilário Rompas Torezão