Xefe Estadu Maior Jenerál F-FDTL Ohin Simu Vijita Husi Forsas Armadas Estadus Unidus Amerika

Kuartel Jenerál, 05 Agostu 2026

Xefe Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Falur Rate Laek, ohin simu vijita husi delegasaun Forsas Armadas Estadus Unidus Amerika nian iha Kuartel Jenerál F-FDTL, Fatuhada, Díli.

Objetivu husi vijita ne'e mak atu halo despedida entre Adjunto Adidu Defeza Estadus Unidus Amerika nian, Major Bernard O CORTES, ho Xefe Estadu Maior Jenerál F-FDTL, tamba nia mandatu iha Timor-Leste remata ona. Iha tempu hanesan, introdús mós Adjunto Adidu Defeza foun, Tenente Ali QUERO, ne'ebé sei kontinua hala'o kna’ar nu'udar reprezentante Defeza Estadus Unidus Amerika nian iha Timor-Leste.

Durante enkontru ne'e, Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Falur Rate Laek, hato'o parabéns no agradese bá Major CORTES bá servisu di'ak ne'ebé halo durante nia misaun iha Timor-Leste. Nia mós dezeja boa viajen no susesu bá nia bainhira fila bá Estadus Unidus Amerika.

Iha oportunidade hanesan, Xefe Estadu Maior Jenerál F-FDTL mós simu ho di'ak Adjunto Adidu Defeza foun, Tenente QUERO, no hato'o esperansa atu kontinua hametin relasaun kooperasaun no amizade entre F-FDTL no Forsas Armadas Estadus Unidus Amerika iha futuru.

Media F-FDTL/ Sargento Carceres