NOTISIA

Saudozu Alferes Rede Halo’ot Ona Iha Jardim Demokrasia Metinaro

DIVCSI-D6 Notisia 30 dezembro 2024 Comments () 0 minutes read

Metinaro Jardim Demokrasia, 26 Dezembru 2024.

FALINTIL-Forsa Defeza Timor-Leste lakon ona asuwain di’ak ida ho naran Armelindo da Cruz (Rede), Alferes de Infantaria, husi Kuartél Jenerál Fatuhada Dili.

Saudozu Presta homenagem ikus iha knua servisu fatin, hafoin transladasaun ba Missa Requem iha kapela Metinaro hodi hala’o seremonia fúnebre ikus iha Jardim Demokrasia. Alferes Armelindo da Crus nee kuadru permanente ida iha F-FDTL ne’ebé hahú halo rekrutamentu iha Aileu tó ohin loron sai veteranus ba F-FDTL no ita nia Alferes nia dedikasaun iha Centru Instutisaun Comandante Nicolau Lobato Metinaro (CICNL) nu’udar Komunikasaun no servisu mós haree materiál ba Gerra nian.Saudozu Alferes Armelindo da Crus "Rede" moris iha Soibada iha loron 25 fulan febreiru 1969. Saudozu Alferes oan husi Mateus da Cruz (Falesidu) ho Inan Claudina da Costa (Falesida), Saudozu Alferes Armelindo husik hela nia kaben Edia Fernandes ho oan kiak nain 7. Saudozu transformasaun ba FALINTIL F-FDTL iha loron 02 fulan fevereiru 2001 Saudozu koloka iha primeiru Batellaun iha kompaña C nu’udar soldadu, iha loron 23 fulan Jullu 2003, Saudozu koloka mai fali FCU Metinaro iha loron 13 fulan Dezembru 2003 promove ba Furiel iha loron 17 fulan Dezemvru 2005 no Saudozu koloka mai fali iha kuartel General iha Diresaun Komunikasaun iha loron 23 fulan jullu 2007 promove ba segundu Sargentu, iha loron 11 fulan Dezembru 2016 promove Saudozu ba primeiru Sargentu, iha loron 13 fulan April 2023 Saudozu koloka fali iha Unidade Apoiu Kuartel Jenerál seksaun Armagen iha loron 13 fulan April 2024 no promove ba Alferes nu’udar Xefe seksaun Armagen. Saudozu Alferes Armelindo fó nia dedikasaun ba Instutisaun F-FDTL durante tinan 23 nia laran no Saudozu hala’o buat barak hanesan servisu militár nomós partisipa iha treinamentu no kursu oi-oin.Nune’e iha loron 23 fulan Dezembru 2024 saudozu Rede hakotu nia jornada moris iha Hospital Nasional Guido Valadares Dili.

Média F-FDTL

Serimónia Hasa'e Bandeira Nasionál RDTL Bá Inisiu Fulan Janeiru 2025

DIVCSI-D6 Notisia 06 janeiro 2025 Comments () 0 minutes read

Kuartel Jenerál, 06 Janeiru 2025.

Serimónia Hasa'e Bandeira Nasionál, Repúblika Demokratika de Timor-Leste (RDTL), bá dahuluk iha fulan Janeiru tinan 2025 nian, iha Kuartél Jenerál Fatuhada Dili.

Hafoin realiza serimónia hasa'e bandeira nasionál, Xefe Estadu Maior Jenerál FALINTIL-FDTL, Tenente Jenerál Domingos Raúl "FALUR RATE LAEK" hanesan Inspetór serimónia hatete, ha'u hakarak ható ha'u nia Deseja Boas Entradas tinan foun nia bá ita hotu.

"Ita bo'ot sira hala'o tinan foun ho despedida tinan tuan ho ita nia família no amigos ne'ebé ita halo reflesaun di'ak bá ida-idak nia família no instituisaun, atu iha tinan foun ida ne'e ita bele hadia di'ak liu tan".

Subliña tan katak, depois de tinan foun ita simu kedas problema ida ne'ebé bo'ot, liliu inundasaun iha Komponente Naval F-FDTL ne'ebé ita mós manifesta ita nia solidaridade ba Komponente Naval.

Ita nia lema ne'ebé atu moderniza no profisinaliza

Forsa ne'e ita bele halo ida ne'e, nune'e ita halo servisu hadia uluk iha prezenti ne'e hodi kontinua futuru ne'ebé seguru, se ita hanoin uluk futuru maka ita sei halo sala iha prezenti.

Iha ne'e ha'u hakrak ható liafuan rua de'it hanesan Trankuilidade no seremidade, Trankilidade tamba ita nia esperitu sentidu Patriotismu no Nasionalizmu sae, seremidade katak ita ema sarani nu'udar fiar na'in.

"Iha enkontru konsellu superior defeza seguransa ita nia alta entidade nasaun Timor-Leste sira fó parabéns no apresiasaun di'ak bá ita liu liu operasaun seguransa nian ba durante vizita importante sira espesialmente tinan 2024", Hakotu TenJen.

Média F-FDTL.

Tenente Jenerál Abertura Kopa Navál, Husu Joventude Sira Kria Paz No Estabilidade

DIVCSI-D6 Notisia 08 janeiro 2025 Comments () 0 minutes read

Hera, Dili, 06 Janeiru 2025.

Xefe Estadu Maiór Jenerál Forsa Defeza Timor-Leste, Tenente Jenerál Domingos Raul "FALUR RATE LAEK", abertura Kopa Navál, husu ba joventude sira kria paz no estabilidade iha sosiedade nia leet.

"Ohin abertura kopa Navál oinsá prepara imi sai joven ne'ebé hadomi bola no balun sai forsa atu nune’e ita bele kria paz no estabilidade iha Sosiedade nia leet tanba jogu ne'e iha manan no lakon tanba manan mós vitoria lakon mós ho vitória tanba lakon atu aprende jogu tuir mai bele hetan tatíku ne'ebé di'ak".

Subliña tan katak, ita hotu mai iha ne'e siknifika ita fó ita nia solidaridade ba ita nia Componente Navál tanba tristeza boot ita nia Forsa Armada liu-liu Componente Navál hasoru tanba ohin ita hotu nia prezensa ne'e hanesan jestu solidaridade ba ita nia aman no maun sira.

Iha sikun seluk Komadante Componente Navál Comodoro Higino das Neves, afirma kopa Navál la estabelese hanesan iha tinan kotuk liu ba tanba servisu barak.

"Ohin ita realiza fali kopa Navál ho prezensa Sua Selensia Xefe Estadu Maiór Jenerál F-FDTL sei motiva ami liu-liu Juventude sira tanba kopa Navál nia objetivu laos atu manan ka lakon maibé nia objetivu atu halibur joventude iha Timor laran tomak atu mai partisipa iha kopa ida ne'e atu kuiñese malu kria relasaun amizade entre pesoál ba malu no fahe mós esperiénsia abilidade ne'ebé imi iha atu utiliza iha kampu laos atu tuku malu no rai odi vingansa ba malu iha kampu maibé hatudu imi nia skíll no esperiénsia ba malu.

Iha fatin hanesan Prezidente Komisaun Kopa Naval Capitaun Tanente, Rosario Alves da Cruz, dehan kada tinan sempre realiza kopa Navál ne'ebé preve iha matris anuál hodi komemora ezisténsia Componente Navál nian.

"Kopa Navál sai ona simbolu relasionamentu entre Forsa Armada ho komunidade liu-liu hakbiit talentu ba ita nia Juventude sira nian atu kria paz iha komunidade nia leet."

Husu ba Klube 17 ne'ebé mak iha talentu no determinasaun ho mai kompete iha kopa Navál ida ne'e katak espiritu Desportiva prevalaza iha kada jogu atraves devosaun no respeitu nomós disiplina ba kopa Navál, hakotu nia.

Iha abertura loke ho jogu primeiru husi FC Abafu kontra FC Fatusa ho skor 3-1.

Média F-FDTL

Tenente Jenerál F-FDTL partisipa serimónia loron Aniversáriu TNI

Media F-FDTL Notisia 05 outubro 2024 Comments () 0 minutes read

Tenente Jenerál F-FDTL partisipa serimónia loron Aniversáriu TNI nian ba dala 79 Iha Monas, Jakarta.

Jakarta 05/10/2024, Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl ‘FALUR RATE LAEK’ partisipa iha serimónia loron aniversáriu Tentara Nasionál Indonézia (TNI) nian ba dala hitu nulu resin sia (79).

Aniversáriu Tentara Nasionál Indonézia (TNI) ba dala 79 ne’e komomera iha Kampu Kruz Monumentu Nasionál (Monas) Jakarta, 05/10/2024 sábadu semana ne’e no lidera diretamente hosi Prezidente Repúblika Indonézia Joko Widodo nu’udar inspetór ba serimónia, enkuantu soldadu hamutuk 100.000 maka tuir parada Militár, hosi dimensaun tolu no komanda hosi Major Jenerál Djon Afriandi nia maka sai hanesan komandante Parada Militár ba serimónia refere.

Média F-FDTL

Tenente Jenerál Simu Vizita Husi Adido Defeza Indonesia

Media F-FDTL Notisia 03 dezembro 2024 Comments () 0 minutes read

Dili, 03 Dezembru 2024.

Xefe Estadu Maior Jenerál F-FDTL, Tenente Jenerál Domingos Raúl "FALUR RATE LAEK" simu vizita kortezia husi Adidu Defeza Indonésia mai Timor-Leste, iha Kuartél Jenerál Fatuhada.

Objetivu husi vizita kurtezia ne'e, hodi aprezenta bá Exelensia CEMGFA kona-bá adidu defeza foun husi Indonésia Koronel (ARM) Hengky hodi troka fali adidu defeza sesante Koronel Yunianus Simamora.

Média F-FDTL

Udan Bo'ot Estraga Infraestrutura Iha Komponente Naval F-FDTL

DIVCSI-D6 Notisia 06 janeiro 2025 Comments () 0 minutes read

Hera, 02 Janeiru 2025

Komandante Komponente Navál F-FDTL, Komodoro Higino das Neves, udan Ne'ebé akontese iha kuarta (1/1/2025) horseik iha Hera rezulta infraestrutura militár iha Komponente Naval pursentu 90 maka hetan estragus.

Nia dehan, barajen Ne'ebé mak empreza halo ne'e ho medida ki'ik ho nune'e lebele satan mota Ki'ik iha area Hera nia nune'e bainhira udan husi foho intensidade bo'ot lakonsege sata mota nia intensidade nune'e mota tenke halai tama bá iha baze Komponente Naval laran hodi estraga fasilidade Militár iha baze Naval Hera.

¨Horseik loraik komesa udan uituan derepente mota tolu iha Hera hasoru malu Bronjon ne'ebé empreza halo mai Komponente Naval ne'e badak liu entaun mota tolu ne'e hasoru malu entaun fura tiha Bronjon ne'e no bee tama mai iha baze Naval destrui infraestrutura iha baze Naval hera.Fasilidade Militár ne'ebé mak hetan estragus ne'e pursentu 90 mak la aproveita hotu kompostu husi karreta rua mak aat, karreta sira seluk aat maibé balun sei moris, motor Militár sira nian mak kuase barak mak aat, no kilat sira bee tama hotu hodi hetan estragus, kazerna sira la aproveita hotu tanba bee tama inklui komputador sira mós hanesan,¨ dehan Komandante Komponente Naval Komodoro Higino das Neves.

Nia dehan desde horikalan kedan too mai ohin loron Komponente Naval la halo servisu tanba sasan hotu hotu bee hoban hotu.

¨Ohin dader ami hamoos, ami desde horikalan la tein tamba bee tama no apartir horikalan la tein sira Metinaro mak tein hodi ofereae bá Komponente Naval¨,nia adianta.

Neves haktuir Forsa Terestre Baucau mós tun mai ajuda, hodi hamoos foer sira inklui Unidade FALINTIL, Unidade Polisia Militár, Kuartel Jenerál, Sentru Insrtusaun Metinaro, Forsa Engenharia, inklui Bombeiros, Institutu Jestaun Apoiu Ekipamentu Dezenvolvimentu Infraestrutura (IGEADI, sigla portuges) no Ministeriu Obras Publika, para mai ajuda halo normalizasaun bá mota nune'e udan karik mota labele tama tan Komponente Naval nia fatin.

Nia esplika tuir lolos barajen ne'ebé mak empreza halo ne'e atu too iha tasi maibé empreza lakonsege halo ida ne'e no nia husik barajen ne'ebé mai Komponente Naval ne'e badak tanba ne'e too tempu udan mota suli mai sobu tiha nune'e provoka inundasaun ohin loron Komponte Naval sai sofre.

¨Inundasaun ne'e dala haat ona, mas ida ne'e mak aat liu. No fatin ida ne'e fila bá hanesan normal ne'e presiza semana ida¨ nia informa.

Iha fatin hanesan Xefe Estadu Maior F-FDTL, Brigadeiro Jenerál José da Costa Soares "TRIX" hateten infraestrutura Militár no fasilidade Militár iha Komponente Naval Hera pursentu 90 sasan hotu hotu destroidu tanba kauza husi udan bo'ot horseik loraik tuku rua.

Nunee mós Vise Xefe Estadu Maior Jenerál F-FDTL Major Jenerál Calisto Santos Coliati realsa kona bá kilat no ba ekipamentu hotu hotu, ropa Militár sira nia kazerna destroidu total.

¨Konta dehan infrastrutura iha baze Naval Hera destroidu inklui kilat. ida ne'e mak presiza intervensaun urjente husi Obras Publika tanba baze Naval ne'e Nasaun ninia ne'e la'os individu, ne'e la'os kompania privadu ruma ne'e infraestruta baze Nasaun ninia. Hau hanoin katak situasaun sira hanesan ne'e poder politiku iha area infrastrutura tenke tau atensaun atu fó nia apoiu urjente tanba tempu ne'e ita lahatene agora ne'e loron manas mas iha foho leten ne'e nakukun ona se orsida mota tun fali oinsá se orsida obras publika la fó apoiu nee oinsá¨, nia afirma.

Nia la halo kritiku maibé ida ne'e apelu deit katak poder politiku iha Nasaun ne'e tenke tau atensaun bá situasaun ne'e tanba infraestrutura iha naze Naval Hera ne'e Nasaun no Povo nian sosa ho ruin no o ran.

¨Iha tinan rua nulu ita nia Estadu ita nia Governu lakon osan barak agora bá ita hotu hotu ne'ebé servidor Estadu servidor da Nasaun ita idak idak tenke atensaun iha ita idak idak nia papel atu haree bá kestaun sira hanesan ne'e. Ita agora iha faze konstrusaun Estadu. Ami la'os ejize, ami la hirus, ami nia kilat hotu no labarik sira nia ropa inklui sasan hotu bá para hotu iha tasi,¨nia dehan.

Xefe Brigada IGEADI Dili Antonio Sarmento, hateten, ¨ IGEADI sempre fó apoiu bá se se deit mak hetan inundasaun tantu atu iha Dili no Munisípiu sira .

¨ Ita nia Komponente Naval ami fó ona ekipamentu pezadu rua hodi normaliza mota, maibé aban ami sei apoiu tan Bludoser rua para supa tiha sedimentasaun sira ne'ebé mak iha ne'e.

Media F-FDTL

Saudozu Alferes Rede Halo’ot Ona Iha Jardim Demokrasia Metinaro

Serimónia Hasa'e Bandeira Nasionál RDTL Bá Inisiu Fulan Janeiru 2025

Tenente Jenerál Abertura Kopa Navál, Husu Joventude Sira Kria Paz No Estabilidade

Tenente Jenerál F-FDTL partisipa serimónia loron Aniversáriu TNI

Tenente Jenerál Simu Vizita Husi Adido Defeza Indonesia

Udan Bo'ot Estraga Infraestrutura Iha Komponente Naval F-FDTL

Semak Ami

Saida Mak Ami Halo

Publikasaun

Kontaktu Ami