Natal ho Tinan Foun Lahamutuk ho Familia Laos buat foun ba Militar
hotu-hotu tenki festeza no hamutuk ho familia, hodi selebra loron importante sira hanesan loron Matebian, loron Natal Tinan Foun, inklui loron feriadu sira-seluk.
Maibė husi loron hirak ne'e, ba militár konsidera hanesan loron baibain, tanba husi loron hirak ne'e kadavez militár-sira labele hamutuk hodi selebra ho familia, kolega, liuliu ema ne'ebé sira hadomi no, konsidera.
Maske fuan no kakutak, iha sentimentu no hanoin hodi haksolok ho familia, maibe, realidade no oportunidade la fó biban ba imajinasaun hirak ne'e.
La senti kolen, la senti baruk, la senti dook husi familia, tanba de'it fuan ho laran fo ona ba nasaun, nune kumpri de'it ba ordem sagradu husi komandu sira, hodi kontinua asume misaun lulik ne'ebé hakerek nanis ona husi Lema Funu nain sira nian katak " Pronto E Decididos".
Husi prontu no disidi hanesan meta ne'ebé mai ho sentidu ida katak prontu asume kulaker ordem tuir oras, tuir minutu, hodi asegura paz no estabilidade iha nasaun RDTL ida ne'e, bainhira nasaun presiza.
Liu husi Natal hamutuk ne'ebé komandu no militar sira selebra iha Baze CFT iha loron kinta 26/12/2024, reprezentante komandante CFT ,segundu komandante interinu Tenente-Coronel, João Bosco Ximenes "LENOK",nafatin husu ba militár-sira tenki forsa nafatin hodi kumpri misaun.
"Ohin kalan ita halibur iha fatin ida ne'e hodi festeza natal hamutuk, maske durante ne'e ita la festeza natal hamutuk ho familia, maibe ha'u fiar katak ita nafatin kumpri hodi halao misaun ho susesu durante loron boot Natal ho Tinan foun", hateten Tenente-Coronel "Lenok".
Iha biban ne'e segundu komandante interinu nafatin alerta ba militar hotu-hotu nafatin hatudu disiplina hodi halao misaun hotu-hotu tuir ordem.
𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓
