𝐁𝐍𝐂𝐓𝐋 𝐇𝐚𝐡𝐮 𝐇𝐚𝐥𝐨 𝐊𝐚𝐫𝐭𝐚𝐮𝐧 𝑼𝒏𝒊𝒐𝒏 𝑷𝒂𝒚 𝐁𝐚 𝐊𝐥𝐢𝐞𝐧𝐭𝐞-𝐒𝐢𝐫𝐚 𝐇𝐮𝐬𝐢 𝐌𝐢𝐥𝐢𝐭á𝐫 𝐂𝐅𝐓
(𝐌𝐞𝐝𝐢𝐚 𝐂𝐅𝐓 𝐁𝐚𝐮𝐜𝐚𝐮) Banco Nasionál Comercio de Timor-Leste (BNCTL) hahu halo kartaun Union Pay ba kliente-sira husi Militár Componente Força Terrestre (CFT) hodi bele útiliza ba foti osan iha mákina Union Pay iha rai-laran nomós rai-liúr.
Tuir Account Maneger BNCTL sucursál Baucau, Julião Da Silva hateten, kartaún ho marka Union Pay hanesan alternativa ida ba kilente-sira husi BNCTL hodi fasilita foti osan iha nasaun hotu-hotu.
"Union Pay nia-funsaun importante, ita bele foti osan iha rai-laran nomós rai-liur husi nasaun hotu-hotu iha mundu, importante mak iha makina hakerek Union Pay", hateten Manejer Silva iha Quartel Baucau, kinta-Feira, 03/10/2024.
Nia haktuir husi kartaun Union Pay ne'ebé kliente-sira uza iha rai-laran, bainhra halo levantamentu ba saldu sei koa sentavu, 0.25 iha rai-liur sei koa $5.
"Bainhira kliente-sira uza Union Pay, la signifika P24 lavale, nafatin vale. Maibé P24 uza de'it iha rai laran, Union pay Vale iha rai-laran nómos rai-liur", nia hatutan.
Nia-aviza kartaun Union Pay ne'ebé dadaun ne'e fasilita, ba de'it kliente-sira husi BNCTL, Kada Kliente ida sei selu dolar haat $4 hodi hetan kartaun refere.
Nune tuir orariu estaf sira BNCTL hahu uluk halo kartaun refere ba Estadu Maior CFT, Hahu atende uluk Xefe Estadu Maior CFT Tenente-Coronel João Bosco Ximenes Lenok, Comandate 1° Batalhão Tenente-Coronel Arlindo da Silva inklui ofisiais Sarjentu no Prasa Sira. Nune tuir mai ba kliente husi Batalhão sira.
𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓
