F-FDTL Apoiu Nesesidade Bazika Bá Munisípiu Ermera, Likisa, Bobonaru No Ataúro Hodi Distribui Bá Orfonato No Ema Ho Defisiensia Sira
Munisípiu, 04-06 Setembru 2025
Reprezentante Xefe Estadu Maiór Jenerál FALINTIL - Forsa Defeza Timor-Leste (F-FDTL), Koronel Alberto Pereira Dos Santos “COPAS” hanesan mós xefe Gabinete Apoiu Servisu (GAS) hamutuk ho Ministério Defesa (MD) fó apoiu nesesidade basika bá Orfonatu no ema ho Difisensia sira iha Munisípiu Ermera, Likisa, Bobonaro no Ataúro.
Koronel Alberto Pereira dos Santos hatete, Objetivu Ohin Forsa Defeza Timor-Leste (F-FDTL) fó Apoiu nesesidade basika mai iha Orfonatu no ema ho Difisensia iha Munisípiu Ermera, Likisa, Bobonaro no Ataúro nee hanesan programa kontinuasaun husi loron Aniversáriu FALINTIL bá dala 50 ne'ebé mak ita selebra ona iha fulan kotuk.
Nia dehan iha tempu funu povu mak bee FALINTIL mak ikan, tan ne'e F-FDTL sai hanesan lutu Nasaun nian sempre Apoiu bá komunidade liu-liu bá Ema ho Defisiensia inklui Orfonatu sira ne'ebé iha Territorio laran tomak.
"Ami nia papel atu apoiu ba ita nia komunidade liu-liu ema ho difisensia inklui Orfonatu sira ami la lori materiál maibé ami lori deit mak Nesésidade báziku mak hanesan Mie sedap,Masi-midar, Deho "Tuna Enaak", Mina goreng, Foos, Susu-been "Enaak", Xá, Kafé, Sabaun hariis, Rinso, Masin, Pepsodent, Eskova kose nehan no seluk tan.
Media F-FDTL
Evaristo das Dores
