F-FDTL Ensera Kursu Formasaun Kona-Bá Diskursu Públiku

Kuartel Jenerál, 13 Setembru 2025

Membru FALINTIL-Forsa Defeza Timor-Leste (F-FDTL) hamutuk nain sanulu resin sia (19) remata ona kursu formasaun kona-bá Diskursu Publiku nian durante loron sanulu iha Eiros Group, programa ne’e hala’o tamba iha koperasaun entre FALINTIL-FDTL ho Defence Coorperation Programa Austrália (DCP).

Iha diskursu Adjunto Divijaun Pesoal Major Rui do Rosário hateten, eiros nia programa forma ona Militár lubuk ida desde Hahu husi kursu komputador to’o mai iha diskursu públiku, ida ne’e bá dala rua ona, tamba ne’e maka parte komandu nafatin agradese bá ita bo’ot sira, tamba ita bo’ot sira preapara ona kondisaun no prepara ona formador, bele ajuda Instituisaun FALINTIL-FDTL hodi prepara iha futuru.

Nia hatutan tan katak, antes atu remata la haluha mós lori komandu nia naran nafatin hato’o agradese bá Diretora Eiros Group ne’ebé durante ne’e halo koperasaun diak ho Komandu, nomós bá formador Sr. Leovijlido Hornai ami agradese tebes tamba ita bo’ot ho laran luak soe ita nia tempo hodi hanorin ona ami nia Militár sira kona-bá diskursu públiku ida ne’e.

Media F-FDTL

Bonifácio Mendonça